Një tornado e fuqishme goditi Perryton, Teksas, duke vrarë të paktën tre persona dhe plagosur rreth pesëdhjetë.
Departamenti lokal i zjarrfikësve thotë se tornado ndoshta shkatërroi rreth 200 shtëpi.
Shefi i Zjarrfikësve të Perryton, Paul Dutcher tha për CNN se shumica e personave të zhdukur janë gjetur dhe se vetëm një person është ende në kërkim.
Nga tre viktima, dy u vranë në qendër të qytetit dhe personi i tretë në një parking për kamiona në verilindje të vendit, tha Dutcher.
Xcel Energy deklaroi se Perryton është pa energji ndërsa shteti i Teksasit dhe zonat përreth po dërgojnë ndihma.
Rreth 8000 njerëz jetojnë në Perryton. Qyteti ndodhet në veri të Teksasit pranë kufirit me Oklahoman. /Telegrafi/
