Fushë Kosova është njëra nga komunat që është përfshirë nga vërshimet pas reshjeve të shiut dhe borës, ku si pasojë u shkaktuan shumë dëme në infrastrukturë rrugore, vetura, kultura bujqësore, banesa dhe shtëpi banimi.
Lidhur me kompensimin e këtyre dëmeve, kjo komunë thotë se shpreson që nga muaji mars do të fillojnë me pagesat.
Zëdhënësi i Komunës së Fushë Kosovës, Ali Topalli tha për Telegrafin se janë duke pritur raportin final nga komisionet e krijuara, e që janë duke bërë vlerësimin e dëmeve.
“Ne kemi të formuara pesë komisione të cilat merren me vlerësimin e dëmeve në të gjithë territorin e Komunës së Fushë Kosovës. Këto komisione janë në terren dhe janë duke bërë vlerësimin dhe janë gati për ta bërë versionin final”, tha Topalli.
Ai ka treguar se qytetarët e prekur nga vërshimet nga sot mund të bëjnë kërkesë në këtë komunë që të vlerësohen dhe kompensohen dëmet.
“Një çështje tjetër që iu kemi dalë në ndihmë atyre që janë të goditur nga vërshimet është mundësia që nga sot, të gjithë atyre që iu është shkaktuar dëme, përmes incizimeve dhe fotografive të ndryshme, me një kërkesë i drejtohen komunës dhe pastaj, komisioni përkatës i vlerëson ato dhe vjen deri te kompensimi”, tregoi ai.
Topalli u shpreh se presin që nga muaji mars të fillojë kompensimi i dëmeve.
“Deri më tani buxheti është i mbyllur, pra deri sa të hapet buxheti, ne nuk mund të bëjmë asgjë dhe po presim që në pjesën fundit të muajit shkurt ose në fillim të muajit mars, pra, po shpresojmë që në muajin mars. Sa të sigurohen ato mjete për pagesë, pasi janë të mbyllura nga muaji nëntor [vitit paraprak] deri në fund të muajit shkurt. Të gjitha dëmet që janë shkaktuar, duke pasur parasysh ato ekonomike, automjetet, shtëpitë, inventari, enterieri, etj”, përfundoi Topalli.
Po ashtu, ditë më parë, kryeministri në detyrë Avdullah Hoti kishte njoftuar se do të formojnë Fondin Emergjent për vërshimet.
Gjatë një takimi online me kryetarët e komunave të Kosovës, Hoti ka kërkuar nga ata që të evidentojnë të gjitha dëmet që kanë nga vërshimet dhe të parashtrojnë kërkesat për ndihmë.
“Unë me disa prej jush kam biseduar dhe në disa vende kam qenë në terren për ta parë gjendjen për së afërmi. Kemi pasur fat që nuk e kemi pësuar asnjë rast me fatalitet si pasojë e këtyre vërshimeve. Kam parë që ka dëme të konsiderueshme në shtëpi banimi dhe në toka bujqësore. Unë kërkoj nga ju që t’i evidentoni problemet që keni dhe të komunikoni me Ministrinë e Mbrojtje, për t’iu ndihmuar FSK-ja në vendosjen e urave aty ku ka nevojë dhe gjëra të tjera”, kishte thënë Hoti.
Në mesin e shumë komunave që janë prekur rëndë nga vërshimet është Drenasi, Malisheva, Gjakova, Kamenica dhe Vushtrria. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nxitoni, vetëm edhe 4 vende të lira në kursin intensiv për kamerë “From Zero to Hero”
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Po, po 31 vetura Dacia Logan shpërblim për konsumatorët nga ETC
Shije italiane në zemër të Prishtinës - Vapiano hapet së shpejti
50 brende botërore dhe 60 kuzhinierë pjesë e panairit Horeca - Frigo Deluxe
Produkte natyrale, vegane dhe organike për kujdesin e lëkurës - My Skin Project
Nxitoni, vetëm edhe 4 vende të lira në kursin intensiv për kamerë “From Zero to Hero”
Popeyes® vjen në Kosovë
Kush është Ahmet Ismaili, guvernatori i ri i Bankës Qendrore të Kosovës?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin