Toni Kroos sot mund ta arrijë shifrën e 100 ndeshjeve në LK – ecuria e djaloshit gjerman që u kthye në njërin prej më të mirëve në botë

Toni Kroos kthehet te Real Madridi, por kësaj radhe do të arrijnë një shifër që për shumë është ëndërr, ku në Stamboll pritet ta zhvillojë ndeshjen e 100-të në Ligën e Kampionëve.

Mesfushori 29 vjeçar debutoi në garën më të madhe në botë për klubë me Bayern Munichun nën drejtimin e Jurgen Klinsmann në edicionin 2008/09

Në 11 vite ai i ka fituar katër trofe të Ligës së Kampionëve.

Katër trofe, pesë finale

Trofeut iu afrua së pari në Allianz Arena në vitin 2012, kur mendohej që një gol i Thomas Muller do të ishte vendimtar.

Por ishte Didier Drogba që shënoi dhe Petr Cech që priti penaltitë, për ta humbur trofeun.

Ndërsa vite më pas në Wembley, ai mungoi për Bayernin, pasi ishte i lënduar ndaj Borussia Dortmund, por Arjen Robben ia dha medaljen e parë.

Pep Guardiola erdhi në vend të Jupp Heynckes, por Bayern humbi në gjysmëfinale ndaj Real Madridit.

Nga i paprekshëm për Guardiolan, kalimi dhe trofetë te Real Madridi

Kroos vendosi ta lërë Bayernin për të kaluar në Spanjë te Real Madridi, ndërsa Xabi Alonso shkoi në krahun tjetër.

Los Blancos u rrëzuan atë vit nga një gol i Alvaro Moratas nga Juventusi në gjysmëfinale.

Pas saj vijnë tre tituj të fituar radhazi në Ligën e Kampionëve. Fillimisht fitorja ndaj Atletico Madrid në Milano, pastaj ndaj Juventusit në Cardiff dhe në fund ndaj Liverpoolit në Kiev.

Ai kishte formuar një dyshe të fortë në mesfushë me Luka Modricin ndër vite.

Sezoni i fundit nuk solli trofe, pasi u eliminuan nga Ajaxi nën drejtimin e Santiago Solarit.

Edhe pse ky vit ka nisur shumë keq, Kroos me Real Madridin, sot mund ta bëjnë kthesën në Stamboll, kur ai e bën edhe paraqitjen e 100-të në këtë garë. /Telegrafi/