Tjerët festuan Superkupën, CR7 u stërvit pas ndeshjes – lufton të jetë gati për Barcën (Foto)

Real Madridi kishte shumë arsye për të festuar pas triumfit të Superkupës që u mbajt në Shkup.

Por, janë dy lojtarë që patën tjera arsye për t’u kthyer në fushë pas takimit.

E ata janë Cristiano Ronaldo dhe Lucas Vasquez. Që të dy luajtën në pjesën e dytë. Ronaldo vetëm 15 minuta dhe Vasquez vetëm 24 minuta.

Përkundër asaj që e përshkruajnë mediat spanjolle si nxehtësi “e tmerrshme” në Shkup, Ronaldo u kthye në fushë pas ndeshejs me trajnerit e përgatitjes fizike Antonio Pintus.

Ata stërvitën për rreth 20 minuta pas ndeshjes, në mënyrë që Ronaldo të jetë sa më në formë për ndeshjen e Superkupës së Spanjës ndaj Barcelonës që zhvillohet javën e ardhshme në Camp Nou. Ronaldo ka plot një javë tash për t’u bërë gati në mënyrën më të mirë të mundshme.

Fjala e fundit është e Zizus

Vendimi definitiv për Ronaldon pa dyshim se i mbetet Zinedine Zidanes. Francezi tashmë ka treguar personalitet në raport me Cristianon. Ai e la atë disa herë jashtë fushës dhe të martën e la në stol në Superkupë, një gjë që s’ka ndodhur që nga 7 janari i vitit 2015, edhe kur Ancelotti drejtonte ekipin.

Pas pushimit të tij të zgjatur veror, koha më e afërt e rikthimit të Ronaldos për Zidanen është pa dyshim dueli ndaj Barcelonës. Por, Zidane do të analizojë një sërë faktorësh para se të vendosë për Ronaldon nëse duhet të shkelë në fushën e Camp Nou, një fushë që golashënuesi i mbretërve e pëlqen mjaft shumë.

Nëse Ronaldo luajti në Shkup, kjo do të thotë se ndaj Barcelonës ai mund të ketë më shumë se 15 minuta dhe këtë e dëshirojnë të gjithë tifozët e Real Madridit. /Telegrafi/