Tifozi i Chapecoenses me lot në sy: Pse lejoi Zoti këtë, tash kemi pasur ekip të vërtetë

Tragjedia e futbollit braziliain që pa ekipin e Chapecoenses gati duke u shuar me të gjithë lojtarët, ka prekur natyrisht më së shumti tifozët.

Klubi Chapecoense është i vetmi motiv argëtues për qytetin e vogël të Chapecos në provincën e Santa Caterinas në Brazil.

Në këtë qytet, njerëzit jetojnë nga bujqësia dhe nuk kanë pasur ndonjë jetë aktive sportive, para se të dilte klubi i futbollit.

Lexo po ashtu Te gjitha lajmet rreth tragjedise se Chapecoenses

Në vitet e fundti, klubi ka pasur një ngritje të jashtëzakonshme nga Serie D duke arritur në Serie A dhe madje edhe në finale të Kupës së Amerikës së Jugut, ku rrugëtimi për trofe e ëndrra u ndërpre nga një tragjedi ajrore.

Dhe një tifoz i klubit për BBC, shkruan Telegrafi, në lot ka shprehur dhimbjen e tij.

“Ne kemi ndjekur ekipin me vite, që nga koha kur ishte në ligën e katërt e të tretë. Dhe kjo ndodh tani kur kishim ekipin e vërtet. Si e lejoi Zoti këtë?”, u shpreh tifozi për BBC.

Mijëra tifozë kaluan natën në Arena Conda në përkrahje të njëri-tjetrit pas tragjedisë së madhe që ka prekur klubin e tyre. /Telegrafi/