Tifozët e Trabzonsporit ia dërgojnë 3.2 milion mesazhe dhe thirrje sulmuesit Sorloth, norvegjezi iu lutet të mos e stresojnë

Alexander Sorloth u ka kërkuar tifozëve të Trabzonsporit që “të ndalojnë së thirruri dhe dërguari mesazhe” pasi një rekord i thyer prej 3.2 milion njerëzve postuan komente në foton e tij të fundit në profilin privat në Instagram.

Sulmuesi 25-vjeçar, i cili aktualisht luan në Bundesliga për RB Leipzig, kaloi të gjithë sezonin 2019/20 në huazim te Trabzonspori nga ish-klubi i tij Crystal Palace.

Gjatë një periudhe të suksesshme në Trabzon, ai jo vetëm që u bë lojtari i huaj me më së shumti gola në një sezon me 33 gola, por ai ngriti Kupën e Turqisë pasi shënoi gol në një fitore 2-0 kundër Alanyaspor.

Përkundër përpjekjeve të tij heroike në Turqi, Sorloth vendosi të bashkohej me RB Leipzig në një transferim të përhershëm verën e kaluar për një shifër prej 22 milionë eurosh.

Megjithatë, përfaqësuesi norvegjez nuk ka arritur të bëjë një ndikim në Red Bull Arena, duke shënuar vetëm gjashtë gola në 36 ndeshje për klubin gjerman.

Si rezultat i formës së tij të dobët, Sorloth ka qenë i lidhur fort me një rikthim në Trabzon. Në fakt, presidenti i Trabzonspor, Ahmet Agaoglu, ka pranuar se ai do të donte ta sillte 25-vjeçarin përsëri në Turqi.

View this post on Instagram

A post shared by Alexander Sørloth (@asorloth)

Klubi ende nuk ka bërë një ofertë zyrtare për lojtarin, por në mënyrë të qartë, ekziston një interes për ta marrë përsëri Sorloth dhe kjo me siguri i ka entuziazmuar tifozët e Trabzonspor.

Për të vendosur padurimin e tyre në kontekst, mbi 3.2 milion tifozë të ekipit turk kanë komentuar në postimin e fundit të Sorloth në Instagram, duke i kërkuar norvegjezit të ribashkohet me ta.

Siç mund ta shihet nga komentet, këta tifozë janë të etur të shohin edhe një herë sulmuesin e tyre të mëparshëm të veshur me fanellën e tyre të famshme blu.

Fakti që ky postim ka më shumë komente për një postim të futbollistëve në historinë e Instagram thotë gjithçka që duhet të dini.

Kjo ka bërë që Sorloth të reagojë në profilin e tij në Twitter për të shprehur mirënjohjen e tij për dashurinë dhe mbështetjen e vazhdueshme, por në të njëjtën kohë, u ka kërkuar atyre të mos e shqetësojnë.

“Përshëndetje tifozë të Trabzonspor, unë e vlerësoj dashurinë dhe mbështetjen tuaj, por ju lutemi ndaloni së thirruri dhe dërguar mesazhe. Kjo e bën jetën time shumë stresuese. Mjaft është mjaft”, ka shkruar Sorloth.

Ai postim ka marrë më shumë se 4,000 komente dhe pothuajse 28,000 pëlqime në kohën e shkrimit. /Telegrafi/