Thjerrëza dhe qiqrat janë të shijshme, por a i dini dobitë e tyre shëndetësore?

Qiqra është një fasule e ngrënshme e njohur si një nga perimet më të hershme të kultivuara, ndërsa thjerrëza është një bimë vjetore që kultivohet nga njeriu qysh prej antikitetit për farat e veta të ngrënshme Te dyja këto kanë vlera të larta ushqyese dhe bëjnë pjesë në të njëjtën familje Fabaceae.

Thjerrëzat dhe qiqrat janë pjesë e pandashme e kuzhinës në mbarë boten, ato na dhurojnë shije mahnitëse dhe nuk mbetet alternativë më e mirë se to nëse dëshironi të ushqeheni në mënyrën e duhur. Me to mund të përgatisni receta të ndryshme si: sallata, supa, qiqra në hell, thjerrëza me patate, bizele dhe shumë mënyra tjera, janë të përkryera me çdo gjë.

Ashtu si bishtajoret tjera edhe këto janë të pasura me fibra, proteina, vitamina dhe minerale të rëndësishme.

Përfitimet nga ngrënia e thjerrëzave

– Thjerrëzat janë të pasura me fibra të tretshme që stimulojnë lëvizjen e rregullt të zorrëve. Një dietë me fibra mban larg kolesterolin e keq dhe parandalon kancerin e zorrës së trashë dhe diabetin e tipit 2,

– Kanë shumë magnez, një kupë thjerrëza përmban 71 mg magnez, një element i rëndësishëm për qarkullimin e gjakut dhe të oksigjenit në trup,

– Janë burim i shkëlqyer i kalciumit, gjë e cila ndikon që të kemi kocka më të forta,

– Thjerrëzat janë një burim shumë i mirë folatesh, një lloj vitamine B që suporton formimin e rruazave të kuqe të gjakut dhe funksionin e duhur të nervave,

– Janë të pasura me proteina, hekur dhe polifenole, elemente të rëndësishme për organizmin, etj.

Përfitimet nga ngrënia e qiqrave

– Në bazë të studimeve është konstatuar se konsumi i rregullt i qiqrave parandalon diabetin,

– Qiqrat janë burim i mirë i proteinave, gjë e cila na ndihmon në formimin e muskujve,

– Ju bëjnë të keni më shumë energji sepse kanë përmbajtje të lartë hekuri,

– Burim i vitaminave A dhe C, ndërsa në sasi më të vogla gjenden edhe vitaminat E, K, B6 B1, B2, B3 dhe vitaminën B9,

– Qiqrat kanë përmbajtje të lartë të fibrave dhe  kështu ato ndihmojnë në uljen e kolesterolit në gjak, duke ulur rrezikun nga sëmundjet e zemrës etj.

Pra, nëse këto bishtajore nuk janë ende pjesë e kuzhinës tuaj, defenitivisht është koha t’i përfshini më shumë në jetën tuaj, madje keni një zgjedhje të përkryer, thjerrëza dhe qiqra Coop përpunimi i të cilave bëhet pa përdorimin e konservantëve, një vlerë të tillë mund ta gjeni në Super Viva.