LAJMI I FUNDIT:

Thaçi: Kurrë s’do ta harrojmë kontributin e Francës për lirinë dhe shtetin e Kosovës

Thaçi: Kurrë s’do ta harrojmë kontributin e Francës për lirinë dhe shtetin e Kosovës

Presidenti vendit, Hashim Thaçi, sonte ka marrë pjesë në pritjen e organizuar nga Ambasada e Francës në Kosovë për 14 korrikun, Festën Kombëtare të Francës.

Thaçi ka thënë se 14 korriku është një datë që ka siguruar një vend shumë të veçantë, jo vetëm në historinë e Francës, por edhe gjithë Evropës dhe mbarë Perëndimit.


“Liria, barazia dhe vëllazëria si parime themelore të revolucionit francez kanë qenë dhe mbeten frymëzuese për të gjithë ne edhe këtu në Kosovë”, ka thënë Thaçi.

Kreu i vendit ka theksuar se liria e Kosovës është vlerë supreme evropiane dhe perëndimore.

“Liria e Kosovës na bëri bashkë në vitin 1999. Shteti i Kosovës na bashkoi sërish në vitin 2008. Tani, Kosova dhe Franca, si dhe Kosova e Perëndimi janë së bashku në promovimin e vlerave më të mira politike dhe ekonomike të demokracisë”, ka thënë Thaçi.

Ai ka shtuar se është i vetëdijshëm që si shtet i ri kemi edhe shumë sprova në rrugëtimin tonë.

“Do të jemi këmbëngulës që synimet tona, të shtetit të Kosovës, t’i realizojmë sa më parë që të jemi pjesë e NATO-s dhe Bashkimit Evropian. Do të dëshmojmë që e meritojmë të jemi pjesë e NATO-s dhe Bashkimit Evropian”, ka shtuar ai.

Presidenti Thaçi më tej ka theksuar se për realizimin e këtij synimi llogarisim edhe në ndihmën, përkrahjen dhe miqësinë e madhe që Kosova ka me Francën.

“Franca dhe populli i saj kanë qenë me ne në ditët më të rënda, më të errëta të luftës dhe në vitet e bërjes së shtetit dhe tash të perspektivës euroatlantike. Prandaj, më lejoni që t’iu falënderohem me këtë rast të gjithë atyre grave dhe burrave të Francës që kontribuuan në politikë, në diplomaci, në KFOR, në EULEX dhe në të gjitha institucionet tjera civile, që ecëm bashkërisht me vendosmëri në arritjen e një ardhmërie të sigurt të Kosovës”, ka theksuar presidenti.

Presidenti Thaçi ka thënë se kurrë nuk do ta harrojmë kontributin e Francës për lirinë dhe shtetin e Kosovës.

Në trend Lajme

Më shumë
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit

“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit

Lajme
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin

Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin

Lajme
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri

“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri

Lajme
Vihet gurthemeli i dy klinikave në QKUK – vlera e tyre arrin mbi 4 milionë euro

Vihet gurthemeli i dy klinikave në QKUK – vlera e tyre arrin mbi 4 milionë euro

Lajme
Shtëpia-muze që ruan dhimbjet e viktimave të masakrës së Poklekut

Shtëpia-muze që ruan dhimbjet e viktimave të masakrës së Poklekut

Lajme
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri

Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri

Drejtësi
Kalo në kategori