Disa laboratorë në Prishtinë, të licencuar për teste serologjike për coronavirus, kanë nisur punën dhe thonë se çmimet variojnë nga 25 deri në 50 euro, varësisht nga numri i testeve për antitrupa.
Çmimet për teste serologjike në Kosovë dallojnë nga laboratori në laborator.
Në vendet e rajonit, çmimet për testimin serologjik në disa institucionet private shëndetësore janë prej 17 deri 32 euro. Në Shqipëri, testimi serologjik kushton 32 euro. Në Serbi dhe Mal të Zi, ky lloj testimi kushton 17 euro.
Testet serologjike janë ato teste në bazë të të cilave mund të vërtetohet nëse një person e ka pasur coronavirusin dhe bëhet përmes mostrave të gjakut.
Ndërkaq dy nga institucionet shëndetësore të licencuara në Kosovë për testim me metodën PCR dhe teste serologjike për koronavirus, ende nuk kanë filluar të bëjnë këto teste dhe nuk e dinë se sa do të jenë çmimet.
Laboratorët që janë licencuar për të kryer testime janë laboratori mjekësor klinik “UBT” në Lipjan, dhe laboratori mjekësor i mikrobiologjisë klinike “Medical & Laboratory Services” në Prishtinë.
Testi PCR përcakton nëse virusi është aktiv, duke analizuar strishot nga hunda dhe fyti.
Në laboratorin mjekësor të mikrobiologjisë klinike “Medical & Laboratory Services” në Prishtinë, thonë se do të fillojnë së shpejti me testimin PCR, pasi që janë në pritje të materialit që mundëson procedurën e këtij testimi.
Ky laborator, thotë se ende nuk dihet se sa do të jenë çmimet për testimin me metodën PCR dhe atë serologjik.
Ngjashëm edhe laboratori mjekësor klinik “UBT” në Lipjan nuk i ka caktuar çmimet.
Edomond Hajrizi, pronar i laboratorit mjekësor klinik “UBT” në Lipjan, i ka thënë të hënën Radios Evropa e Lirë se nga java e ardhshme do të fillojnë me testime.
“Tash infrastruktura ekziston. Ne duhet të bëjmë furnizimin me kite (material që mundëson procedurën e testimit) sepse nuk mund të bësh furnizime pa e pasur të drejtën dhe pasi që t’i marrim, do të fillojmë me kryerjen e testeve. Ne i kemi kontaktet me furnitorë, i kemi marrëveshjet dhe besoj që shumë shpejt mund të fillojmë, nga java e ardhshme. Kitet mendojmë t’i marrim nga Gjermania”, ka thënë Hajrizi.
Hajrizi ka thënë se brenda ditës do të mund të bëjnë deri në 200 testime me metodën PCR, ndërsa teste serologjike, për shkak të procedurës më të shpejtë, sipas tij, do të mund të bëjnë një numër më të madh të testimeve.
Ai ka bërë të ditur se testet për COVID -19 (sëmundjen që e shkaktohen coronavirusi), që do të kryhen në këtë laborator, do të bëhen konfrom standardeve dhe ka një metodologji të standardizua dhe këto teste që do të bëhen në këtë laborator, do të duhej të pranohen nga të gjitha shtete në botë.
Ndërkohë, ministri i Shëndetësisë në Kosovë, Armend Zemaj, në një takimi të martën me kreun e Autoritetit Kosovar të Konkurrencës, Valon Prestreshi, kërkuan nga laboratorët privatë që të vendosin çmime korrekte të testimeve.
Zemaj kërkoi nga Autoriteti Kosovar i Konkurencës që të monitorojë sjelljen e këtyre institucioneve në raport me caktimin e çmimeve të shërbimeve të testimit dhe të pamundësojnë krijimin e monopoleve.
Ministria e Shëndetësisë të hënë licencoi 29 institucione shëndetësore për të kryer teste për COVID-19. Megjithatë, ministria paralajmëroi se këto institucione nga sot, më 11 gusht, do të inspektohen nga Inspektorati shëndetësor, për të parë nëse ato plotësojnë kushtet për testim. /Rel/
Lufta Prigozhin - Putin
Më shumëNgacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre