LAJMI I FUNDIT:

Testimi i qarkores njëkahëshe në Prishtinë, ekspertët: Projekt i ngutshëm dhe i dështuar

Testimi i qarkores njëkahëshe në Prishtinë, ekspertët: Projekt i ngutshëm dhe i dështuar

Vendimi i Komunës së Prishtinës për ta shndërruar unazën qendrore të kryeqytetit në qarkore njëkahëshe për automjetet, po shihet si një projekt i ngutshëm dhe i dështuar nga ekspertët e komunikacionit rrugor.

Testimi i qarkores njëkahëshe nisi sot dhe do të vazhdojë edhe të dielën, si fazë testuese për ta “çliruar” kryeqytetin nga automjetet. Megjithatë, ndodhi e kundërta.

Edhe pse në fundjavë , kolona të gjata të automjeteve u krijuan në rrugët e kryeqytetit.

Një qytetar tha për Telegrafin se ka mbetur në komunikacion për 40 minuta, nga rruga “UÇK” deri te udhëkryqi i Mensës së Studentëve.

Testimi i qarkores njëkahëshe për automjetet, bëhen kolona në Prishtinë
Lexo po ashtu Testimi i qarkores njëkahëshe për automjetet, bëhen kolona në Prishtinë

“Edhe pse  ditë pushimi, për 40 minuta jam torturuar në komunikacion. Paramendojeni si mund të jetë qarkullimi gjatë ditëve të javës, në qoftë se do të vazhdojë ky proket”, tha ai, i mllefosur.

Të bllokuar në kolonë, shumë vozitës kanë kërkuar rrugë e rrugica alternative nëpër qytet, por që edhe aty kanë mbetur të bllokuar.

Trafiku në Prishtinë (23.04.2022)

Një testim të tillë e cilëson të ngutshëm dhe të dështuar eksperi i komunikacionit, Visar Baxhaku, pasi sipas tij, fillimisht është dashur të bëhej një analizë më e saktë e pastaj eksperimenti si veprim i fundit.

“Ky testim ka qenë i ngutshëm dhe nuk do të funksionojë, e them me bindje të plotë sepse rrugët njëkahëshe nuk janë më zgjidhje të kolonave. Ato janë zgjidhje të qasjeve dhe orientimeve. Kolonat i zgjidh vetëm diversifikimi i llojit të transportit. Duhet të bëhet një analizë fillimisht e në fund bëhet ai eksperimenti që është bërë sot, është e fundit për t’i marrë rezultatet për përmirësim. Eksperimenti bëhet kur jemi të bindur për rezultat me 80 për qind dhe gjenden mangësitë e përmirësohen ato, por jo në këtë formë”, deklaroi Baxhaku për Telegrafin.

Për t’i shmangur kolonat që krijon në kryeqytet, ai tha se Komuna duhet t’i motivojë qytetarët për të përdorur transportin publik, duke e bërë falas atë.

Ndërsa, si zgjidhje të dytë përmendi tarifat e larta të parkimit.

“E dyta është mjetet që hyjnë në Prishtinë, parkingun jashtë kryeqytetit e transportin falas, duhet të ketë tarifa të larta të parkimit, disa prej masave janë këto”, u shpreh Baxhaku.

I një mendimi është edhe eksperti tjetër i komunikacionit, Bekim Ahmeti, i cili tha se sot u dëshmua se kjo unazë qarkore është e pamundur të shfrytëzohet.

“Ky testim bëhet kur ka mungesë të transportit publik, si mundësi për zgjidhje të dytë. Por, kjo unazë qarkore u pa sot që nuk mund të funksionojë dhe më mirë ka qenë më herët sesa kështu”, deklaroi Ahmeti, duke shtuar se komunikacioni në Prishtinë ka shumë probleme të cilat presin të zgjidhen.

E për ta “shkarkuar” kryeqytetin nga veturat, ai tha se zgjidhje do të ishte organizimi i një linje të transprtit urban përmes tramvajit.

“Më së miri do të ishte të jetë një tramvaj mbrapa Pallatit të Rinisë, atëherë do të shkarkohej shumë qyteti sepse qytetarët përdorin transportin publik dhe jo automjete vetanake”.

Bekim Ahmeti, ekspert i komunikacionit

Telegrafi ka provuar të kontaktojë edhe me zyrtarë në Komunën e Prishtinës për t’i pyetur nëse testimi ka shkuar sipas planit të tyre, por të njëjtit kanë qenë të paqasshëm.

Ndërsa, këshilltari për Çështje të Sigurisë në Komunën e Prishtinës, Bajram Gecaj, përmes një postimi në Facebook, ka thënë se “tash për tash qarkullimi testues njëkahor po rrjedhë mirë dhe sipas planit”.

Në anën tjetër, shefi i Grupit Parlamentar të Aleancës për Ardhmërinë e Kosovës (AAK), Besnik Tahiri ka kërkuar nga kryetari i Komunës së Prishtinës, Përparim Rama, ta anulojë menjëherë vendimin për ta shndërruar unazën qendrore të kryeqytetit në qarkore njëkahëshe për automjete.

Ai përmes një statusi në rrjetin social në Facebook ka thënë se organizimi një kahor i rrugëve në kryeqytet, është pa rezultat të qartë dhe me ndikim negativ.

“Organizimi një kahor i rrugëve (unazë të brendshme) në kryeqytet, del të jetë një testim pa rezultat të qartë dhe në fakt me ndikim negativ. Të tilla testime, kur nuk janë të mirëmenduara e planifikuara rrezikojnë legjitimitetin e veprimeve të ardhshme për mobilitetin urban. Edhe pse qëllimi i deklaruar, del të jetë ambiental, tollovia e shkaktuar nuk i shërben kësaj”.

“Aq më tepër, kur rritja e qëndrimit në rrugë (kolona) rrit ndjeshëm ndotjen, e dihet se një ditë e zakonshme gjatë vikendit, bllokada dhe frekuenca është ndjeshëm më e ulët. Ky veprim, e të tilla duhet anuluar menjëherë nga Kryetari Rama, në mënyrë që t’u hapet rrugë veprimeve të planifikuara mirë”, ka shkruar Tahiri në rrjetin social në Facebook./Telegrafi/

Në trend Lajme

Më shumë
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Drejtësi
Avokati Kërveshi dhe kompania

Avokati Kërveshi dhe kompania "Kërveshi & Partners" shpallen më të suksesshmit në Kosovë për vitin 2023-2024 nga “The Legal500”

Lajme
Gjenden të shtrirë në rrugë pa shenja jete dy persona në Prishtinë – policia nis hetimet

Gjenden të shtrirë në rrugë pa shenja jete dy persona në Prishtinë – policia nis hetimet

Kronika e Zezë
Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Lajme
Kalo në kategori