Testi i ushtrisë amerikane, mijëra kilogramë eksploziv shpërthyen pranë aeroplanmbajtëses – ajo i rezistoi efekteve të ngjashme me të tërmetit prej 3.9 magnitudë

Marina amerikane ka shpërthyer mijëra kilogramë eksploziv për të shkaktuar një shpërthim tejet të fuqishëm pranë aeroplanmbajtëse, për të testuar qëndrueshmërinë dhe stabilitetin e anijes – duke shkaktuar dridhje të ngjashme me ato të një tërmeti me fuqi shkatërruese prej 3.9 magnitudë.

Bëhet fjalë për anijen USS Gerald R. Ford, e cila u përball me efektet e një shpërthimi tejet të fuqishëm rreth 100 milje larg brigjeve të Floridës, transmeton Telegrafi.

Eksplozivi u aktivizua me qëllim që të testohet qëndrueshmëria dhe stabiliteti i anijes, në rast të ndonjë sulmi nga armiku i mundshëm. E sipas zyrtarëve të marinës, testi ka rezultat me sukses – duke njoftuar se anija i ka rezistuar pa ndonjë problem efektit të krijuar pas shpërthimit.

Qëllimi nuk ka qenë dëmtimi i anijes që kishte shumë anëtarë të ekuipazhit, por që të testohet qëndrueshmëria nga vibrimet e shumta që u krijuan nga shpërthimi që ndodhi jo larg anijes ku gjendej. /Telegrafi/