‘TeslaMic’: Mikrofonat për karaoke në veturë të Tesla-s me vlerë 188 dollarë u shitën brenda një ore në Kinë

“Mikrofonat karaoke” të Tesla-s me vlerë 188 dollarë u shitën brenda një ore nga lansimi në Kinë, sipas The Wall Street Journal.

Sipas mediave të huaja, përcjell Telegrafi, “TeslaMic”, i cili aktualisht është i disponueshëm vetëm në Kinë, kushton 188 dollarë dhe përmban një palë mikrofonë të markës Tesla, raportoi The Journal, duke cituar një listë produktesh në faqen e internetit të Tesla-s në Kinë.

“Mikrofonët karaoke” janë një shtesë opsionale për të përkuar me një përditësim të lëshuar për automjetet Tesla në Kinë të premten.

Këngët dhe videot karaoke u instaluan në softuerin e automjetit, në mënyrë që shoferët dhe pasagjerët të mund të këndojnë së bashku me muzikën në makinë – por vetëm kur ndalen.

Tesla nuk është i pari në një treg të tillë në Kinë, një komb i fiksuar pas karaokeve pasi edhe prodhues të tjerë të automjeteve elektrike në Kinë kanë lëshuar tashmë softuer dhe sisteme karaoke harduerike.

Tesla lëshoi “Caraoke” si pjesë e një përditësimi të softuerit në 2019.

Ai ua lejon pronarëve të Tesla-s në mbarë botën të “këndojnë me miqtë në një udhëtim – ose vetë” duke përdorur “bibliotekën e saj masive të muzikës dhe teksteve të këngëve” në gjuhë të shumta.

Kështu, pronarët e Tesla-s që humbën “TeslaMic” do të duhet të presin deri në fund të shkurtit për ta blerë atë, tha faqja e internetit e Tesla në Kinë, sipas The Journal. /Telegrafi/