Tesla sjell panele të reja diellore me çmime shumë më të ulëta

Me sisteme diellore më efikase dhe kosto më të ulët, Tesla dëshiron të sjellë një moment të ri në sektorin e saj të energjisë.

Energjia diellore nga Tesla nuk është zhvilluar në vitet e kaluara siç kishte menduar ndërmarrja.

Pllakat diellore të njoftuara gjerësisht kurrë nuk u shiten ashtu siç ata kishin menduar, dhe panelet diellore konvencionale Tesla nuk ishin as afër produkteve që ata kishin shpresuar.

Siç shihet nga skema e azhurnuar e çmimeve, Tesla tani dëshiron të tërheqë gjithnjë e më shumë klientët me panele diellore të reja, më efikase dhe çmime më të ulëta.

Paneli diellor “Medium” me një prodhim energjie prej 7.56 kW më parë kushtonte 19.500 dollarë. Paneli i mesëm tani kushton vetëm 16,000 dollarë, por gjithashtu mund të gjenerojë më shumë energji, domethënë 8.16 kW. Çmimi për kW ra nga 2.58 dollarë për watt në 1.96 dollarë për watt.

Ekzistojnë gjithashtu dëshmi në rritje që Tesla së shpejti do të ofrojë edhe pllakat e saj diellore të çatisë edhe në Evropë.

Deri më tani, çatia që prodhon energji ishte në dispozicion vetëm në Shtetet e Bashkuara. /Telegrafi/