Tentuan të sulmojnë pozicionet e ukrainasve, e pësuan keq rusët – tanket dhe mjetet e blinduara ua hodhën në erë

Në rrjetet sociale është shfaqur një video e publikuar nga brigada e 58-të e motorizuar e ushtrisë ukrainase, e cila shfaq sesi trupat nën kontrollin e Kievit parandalojnë sulmet rus në lindje të Ukrainës.

Në kumtesë thuhet se rusët ishin nisur në orët e para të mëngjesit, dhe krejtësisht të turpëruar kanë ikur pas disa orëve, transmeton Telegrafi.

Kjo brigadë në rajonin e Donetskut është aktive që nga fillimi i pushtimit rus në Ukrainë. E luftimet vetëm sa po bëhen më të shpeshta në afërsi të qyteti Avdiivka.

Prej 10 tetorit, Rusia ka dërguar mijëra ushtarë, tanke dhe mjete tjera të blinduara duke tentuar ta merr nën kontroll qytetin, kurse forcat nën e Moskës nga këto sulme raportohet se kanë pësuar humbje të mëdha.

“Nuk arritën të gjithë të ikin, në fushëbetejë kanë mbetur mbi 50 trupa të pajetë të sulmuesve. Në eliminimin e pushtuesve kemi arritur sukses të madh”, thuhet nga kjo brigadë e ushtrisë ukrainase.

Pamjet nga ajri shfaqin forcat ukrainase duke shtënë mbi shumë tanke dhe mjete tjera të blinduara të rusëve – duke lënë pas vetes gjurmë të tymit të zi.

Një pjesë e videos, shfaq mjetet e djegura dhe ushtarët rusë që lëviznin zvarrë – duke tentuar të ikin nga vendi ku po sulmoheshin.

Anton Kotskukon, zëdhënës i brigadës së mekanizuar, ka thënë se Rusia po grumbullon rezerva për sulme të reja dhe tentime për ta marrë nën kontroll Avdiivkan. /Telegrafi/

⚡️🇺🇦Ukrainian military from the 58th separate motorized infantry brigade repulses another 🇷🇺Russian attack pic.twitter.com/M3YRKXI5Wt

— 🇺🇦Ukrainian Front (@front_ukrainian) November 13, 2023