Vetizolimi në shtëpi, si një masat kundër përhapjes së virusit COVID-19, që ka prekur Shqipërinë, do të jetë tematikë në Bienalen e Arkitekturës në Venecia.

“Na ndan veç një mur… e megjithatë, nuk e njohim njëri-tjetrin. Në agimin e dekadës së re, përgjigjja e pyetjes ‘Si do të jetojmë së bashku?’, mund të jetë shumë e thjeshtë: Njihni fqinjin tuaj!”, ka thënë ministrja e Kulturës e Shqipërisë, Elva Margariti. “Në edicionin e 17-të të Bienales së Arkitekturës, në Venecia 2020, pavijoni shqiptar do të sjellë në vëmendje këtë fenomen social, të lidhur ngushtë me historinë tonë, duke eksploruar origjinën dhe efektet e tij”.