Gjykata Komerciale ka hedhur poshtë kërkesën e bankave për të shtyrë ekzekutimin e rregullores së re të Bankës Qendrore të Kosovës, me të cilën obligohen që të ofrojnë një llogari bazike falas për të gjithë klientët bankar.
Në bazë të rregullores së re, e cila hyn në fuqi më 1 gusht të këtij viti, klientëve të bankave u ofrohet ky shërbim pa pagesë ose me tarifa të përgjysmuara, me kusht që ata të mos kenë një llogari bankare ekzistuese.
Në vendimin e kësaj gjykate të cilën e ka siguruar Telegrafi, thuhet se është refuzuar si e pabazuar kërkesa e paditësve: Raiffeisen Bank Kosovo J.S.C. Sh.A., NLB Banka Sh.A., Pro Credit Bank Sh.A., Banka Kombëtare Tregtare Kosove Sh.A., Banka për Biznes Sh.A., Banka Ekonomike Sh.A., Banka Credins Kosovë Sh.A. dhe PRI BANK Sh.A, për shtyrjen e ekzekutimit të Rregullores për qasje në llogari, pagesë dhe shërbime bazike, deri në marrjen e vendimit gjyqësor përfundimtar me padi.
Këto banka kishin kërkuar që vendimi i BQK-së i publikuar më 30 dhjetor 2022 në faqen zyrtare të këtij institucioni, të anulohet dhe kanë propozuar shtyrjen e ekzekutimit të aktit të kundërshtuar deri në marrjen e vendimit gjyqësor përfundimtar.
Por, gjykata ka vlerësuar se pretendimi i paditësve se shtyrja e ekzekutimit të aktit të kundërshtuar nuk është në dem të interesit publik, por përkundër ka për qëllim mbrojtjen e interesit publik, përkatësisht shmangë: diskriminimin ndërmjet kategorive përfituese, shmangë shtrembërimin e konkurrencës në tregun financiar, shmangë cenimin e rendit kushtetues, parimin e ekonomisë së tregut të lirë, shmangë zbatimin e një sistemi për llogari pagese me shërbime bazike në baza te paqëndrueshme, mbron konsumatorët e cenueshëm ndaj ushtrimit të një të drejte pa bazë ligjore dhe apo kushtetuese është i pabazuar.
Gjykata gjithashtu ka rikujtuar se kompetencat e BQK-së janë përcaktuar me Ligjin Nr. 03/L-209 për Bankën Qendrore të Republikës së Kosovës.
“Banka Qendrore është autoriteti i vetëm përgjegjës për rregullimin dhe mbikëqyrjen e sistemit të pagesave të Republikës së Kosovës, me qellim të garantimit të sigurisë, qëndrueshmërisë dhe efikasitetit të tij. Në përputhje me nenin 7 të këtij ligji, objektivi parësor i Bankës Qendrore është të nxisë dhe të mbajë një sistem financiar stabil, duke përfshirë një sistem të sigurt, të qëndrueshëm dhe efikas të pagesave.
Ndërsa, neni 65 përcakton instrumentet rregullative në kompetencë të BQK-së për të hartuar Rregullore, Udhëzime dhe Urdhra të cilat janë të nevojshme për realizimin e detyrave që i janë besuar Bankës Qendrore me këtë ligj apo ndonjë ligj tjetër”, thuhet në vendimin e Gjykatës Komerciale. /Telegrafi/
Lufta Prigozhin - Putin
Më shumëN’BAU krejt i gjen me zbritje këtë javë!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Pasuria e guvernatorit të BQK-së, drejtorit ATK-së dhe drejtorit të Doganës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit