Huawei Mate X duhet të ishte shfaqur qysh në qershor të këtij viti.

Por për shkak të problemeve me Galaxy Fold, konkurrentin nga Samsung , Huawei e ka shtyrë lansimin e tij disa herë, transmeton Telegrafi.com.

Prodhuesi kinez dëshironte të sigurohej që pajisja të funksionojë siç duhet dhe jo pasi që të dalë në treg të ketë probleme me këtë smartphone.

Tani Huawei duket se është gati.

Mate X do të jetë në dispozicion nga 15 nëntori dhe do të kushtojë 2,161 euro. Sidoqoftë, tani për tani ai do të jetë në treg vetëm në Kinë.

Sipas The Verge, Huawei është duke punuar në një plan për shitjen e tij edhe në vende tjera të botës.

Mate X është një smartphone 5G. Ai mundësohet nga procesori HiSilicon Kirin 980 i Huawei.

Ka një bateri prej 4,500mAh që mund të ngarkohet në 85 për qind për gjysmë ore. Huawei Mate X ka një ekran 8-inç. /Telegrafi/