Këngëtarja Orhidea Latifi - Kida dhe këngëtari i mirënjohur Ermal Fejzullahu vitin që lamë pas sollën një projekt të përbashkët që lirshëm mund të thuhet se ishte hiti i vitit 2019.
Fjala është për këngën "Tela", të cilën dyshja e njohur e skenës e sollën në muajin qershor dhe deri më tani ka arritur shifrën e 50 milionë klikimeve në kanalin zyrtar, YouTube.
Kjo u bë e ditur nga vet këngëtarja Latifi, e cila duket mjaft e lumtur për këtë sukses e që më pas ka vendosur ta ndajë me fansat në InstaStory.
Kida (Foto: Instagram)
"50, TELA", është përshkrimi sipër imazhit të shpërndarë në Instagram, aty ku numëron hiç më pak se 1.5 milion ndjekës.
Megjithatë, kjo nuk është e fundit e lansuar nga Kida për 2019, pasi me projektin "Moti" e mbylli vitin, këngë kjo që po ashtu u prit mjaft mirë.
Orhidea gjatë kësaj kohe është goxha e angazhuar edhe me mbrëmje e koncerte të ndryshme muzikore dhe madje shumë e kërkuar gjithandej.
Ajo po ashtu ka paralajmëruar edhe prurje të reja për të cilat veçse ka filluar të punojë dhe shumë shpejt pritet të rikthehet para publikut. /Telegrafi/
