LAJMI I FUNDIT:

Teknologjia e lartë në brendinë e makinës BMW që do të rivalizojë me Tesla

Teknologjia e lartë në brendinë e makinës BMW që do të rivalizojë me Tesla

Mjafton të shikohet ekrani i dyfishtë, që ndodhet në pjesën e përparme

Javën që vjen, BMW kishte planifikuar ta prezantojë në Geneva Motor Show, Concept i4 me të cilin do të rivalizonte Tesla Model 3, transmeton Telegrafi.

Pa humbur kohë, ky prodhues gjerman është duke e testuar këtë model, që është makina elektrike e ngjashme me BMW 4 Series Gran Coupe.

Anulohet Geneva Motor Show vetëm katër ditë para se të fillojë
Lexo po ashtu Anulohet Geneva Motor Show vetëm katër ditë para se të fillojë

Deri më tani, kjo makinë është parë disa herë derisa po testohej, por reporterët kanë arritur që t’ia shohin edhe brendinë, derisa shoferi po voziste me dritare të hapur. Megjithëse enterieri ka ngjashmëri të madhe me 4 Series, niveli i teknologjisë në makinën e re është shumë me i lartë.

Pjesa e përparme është e ngjashme, sikurse te kabina e iNEXT, ndërsa bien në sy ekrani i dyfishtë, si dhe pjesa e ndarë për infoteitmant. Vetëm se timoni është i mbuluar në tërësi, duke mos lejuar të shihen opsionet që janë vendosur në të.

Anulimi i zhvillimit të Geneva Motor Show, ka nxjerrë probleme të mëdha prodhuesve që kishin planifikuar t’i prezantonin aty makinat e tyre. Kjo ka bërë, që të mos dihet se kur do të shfaqet zyrtarisht kjo i4, si dhe befasitë tjera nga BMW. /Telegrafi/