Do të nënshkruhet memorandum për zbatimin e pesë projekteve për mjedis jetësor dhe veprime klimaterike

Memorandum për zbatimin e Marrëveshjes së Ohrit midis Qeverisë së Maqedonisë dhe Komisionit të Bashkësive evropiane për procedurat për zbatimin e ndihmës financiare të Unionit për Republikën e Maqedonisë në kuadër të zbatimit të ndihmës sipas instrumentit për ndihmë inkuadruese (IPA II) do të nënshkruhet në Kumanovë, përcjell Telegrafi Maqedoni.

Memorandumi, ka për qëllim të vendos bazë formale dakordimi për zbatimin e suksesshëm të pesë projekteve të planifikuara në kuadër të Programit operativ sektorial më shumëvjeçar për mjedis jetësor dhe veprime klimaterike IPA II (2014-2020).

Do të nënshkruhet nga ministri i Mjedisit Jetësor dhe Planifikimit Hapësinor, Sadulla Duraki dhe kryetari i komunës së Kumanovës dhe kryetar i Rajonit malor verilindor, Zoran Damjanovski, njofton AIM.

Këto projekte, siç informojnë nga Ministria e Mjedisit Jetësor dhe Planifikimit Hapësinor, do të përfshijnë furnizimin e pajisjeve për grumbullimin dhe transportimin e mbeturinave në rajonin Verilindor dhe projektin investues – ndërtimin e deponisë qendrore për rajonin Lindor dhe Verilindor. /Telegrafi/