Të famshmit që do të marrin pjesë në funeralin e Mbretëreshës Elizabeth

Të ftuarit kanë arritur në Westminster Abbey për funeralin shtetëror të Mbretëreshës Elizabeth II.

Ngjarja do të shohë anëtarët e familjes mbretërore britanike, si dhe mbretër të huaj, politikanë, liderë botërorë dhe vullnetarë duke i dhënë lamtumirën e fundit monarkut më jetëgjatë të Britanisë.

Mendohet se do të jenë të pranishëm edhe një sërë personalitetesh të profilit të lartë, për shkak të marrëdhënieve të tyre të ngushta me familjen mbretërore apo si mysafirë të ftuar të personaliteteve që do të mbërrijnë në Londër gjatë dy ditëve të ardhshme.

Sir David Attenborough, i cili kishte një miqësi me mbretëreshën e ndjerë për dekada dhe u shpall kalorës nga ajo në 1985, pritet të marrë pjesë në shërbim.

Lexo po ashtu Meghan Markle i bashkohet Princit Harry, familjes mbretërore në funeralin e Mbretëreshës Elizabeth

Ylli i “Killing Eve”, Sandra Oh, pritet të jetë gjithashtu e pranishme, së bashku me muzikantin kanadez Gregory Charles dhe fituesin e ‘Medaljes së Artë Olimpike’, Mark Tewksbury.

Andrew Lloyd Webber dhe Ish-këngëtari i “Take That”, Gary Barlow, gjithashtu mund të marrin pjesë në këtë event, pasi kanë shkruar një këngë për jubileun e diamantit të Mbretëreshës në 2012.

Arkivoli i Mbretëreshës, i cili aktualisht ndodhet në Westminter Hall, do të bartet në një procesion madhështor ushtarak nga Pallati i Westminsterit në Westminster Abbey.

Anëtarët e vjetër të familjes pritet të ecin pas arkivolit, duke përfshirë Mbretin Charles III dhe Queen Consort, Princesha Royal, Duka i Yorkut dhe Earl of Wessex, si dhe Princi dhe Princesha e Uellsit dhe Duka dhe Dukesha e Sussexit. /Telegrafi/