Unioni Demokratik Studentor (USD) ka mirëpritur vendimin e Gjykatës Themelore në Prishtinë, i cili shpalli të paligjshme pjesëmarrjen e senatorëve të rinj studentë para se t’ju fillojë mandati në seancën për zgjedhjen e anëtarëve të Këshillit Drejtues nga radhët e UP-së në qershor të vitit 2022.
Pas këtij aktgjykimi, Unioni Demokratik Studentor kërkon që nga rektori i UP-së, Këshilli drejtues si dhe Sekretari i përgjithshëm të japin dorëheqje.
Festim Tasholli nga Unioni Demokratik Studentor, këtë parregullsi e ka quajtur skenar të përgatitur, siç tha ai nga grupe të interesit për të cilin ka qenë në dijeni edhe ministrja e Arsimit, Arbërie Nagavci.
“Ky skenar ka qenë bukur mirë i përgatitur nga grupe të interesit që veprojnë në Universitetin e Prishtinës, për të cilin në dijeni ka qenë edhe ministrja e Arsimit e cila nuk ka marrë asnjë masë ndaj këtyre veprimeve. Ne kërkojmë që Këshilli drejtues, sekretari i përgjithshëm si dhe rektori i universitetit të japin dorëheqje tashmë kur pretendimet tona janë të vërtetuara edhe me vendim gjyqësor”, tha Tasholli
Tasholli tha se në mbledhjet e Senatit të UP-së për zgjedhjen e Këshillit drejtues, unionit i është ndaluar hyrja në objektin e rektorit të UP-së.
“Dje kemi pranuar një aktgjykim nga Gjykata Themelore departamenti për çështje administrative ku është aprovuar si e bazuar padia jonë, ndaj Universitet ‘Hasan Prishtina’ në rastin e zgjedhjeve të anëtarëve të Këshillit drejtues. Më 24 qershor të vitit të kaluar neve kundërligjshëm me ndihmën e forcave të shumta policore na është ndaluar hyrja në objektin e Rektoratit ku po mbahej mbledhja e senatit me pikën e rendit të ditës ‘zgjedhja e anëtarëve te rijnë të këshillit drejtues’ ”, theksoi ai.
Tasholli theksoi po ashtu se përpos dorëheqjes së Këshillit drejtues të UP-së, kërkojnë që të anulohen të gjitha vendimet që i ka marrë ky këshill.
“Po ashtu, përpos dorëheqjes së tyre, ne kërkojmë që të gjitha vendimet që i ka marrë Këshilli drejtues nga momenti i zgjedhjes të anulohen. Këto veprime përfshijnë zgjedhjen e rektorit si dhe statutin e Universitetit të Prishtinës. Ne nuk do të ndalemi dhe do të jemi këmbëngulës deri sa vendimi i gjykatës të zbatohet nga organet përgjegjëse në Universitetin e Prishtinës ‘Hasan Prishtina’“, u shpreh Tasholli.
Po ashtu, nga UDS u shprehën se i besojnë organeve gjyqësore dhe nuk do të ndërmarrin ndonjë veprim tjetër, në mënyrë që të mos dëmtohet Universiteti.
Gjatë ditës edhe Organizata për Rritjen e Cilësisë në Arsim (ORCA) nëpërmjet një reagimi në Facebook është shprehur e tronditur me vendimin e Gjykatës Themelore në Prishtinë, i cili shpalli të paligjshme pjesëmarrjen e senatorëve të rinj studentë para se t’ju fillojë mandati në seancën për zgjedhjen e anëtarëve të Këshillit Drejtues nga radhët e UP-së në qershor të vitit 2022.
“ORCA është e brengosur për legjitimitetin dhe ligjshmërinë e të gjitha proceseve të rrjedhura nga ai vendim i paligjshëm për formimin e Këshillit Drejtues, shumica e anëtarëve të të cilit tashmë me vendim gjykate janë ilegalë”, thuhet në reagim.
ORCA pas këtij vendimi e konsideron ilegale përbërjen aktuale të Këshillit Drejtues nga radhët e UP-së, dhe kërkon përsëritje të procesit të zgjedhjes së atyre 5 anëtarëve. /Kp/Telegrafi/
Lufta Prigozhin - Putin
Më shumëÇfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë