Stuhia Dennis godet Britaninë e Madhe, po shkatërron gjithçka para vetes – Uellsi përmbytet si Venediku

Britania e Madhe është goditur nga stuhia Dennis, e përcjellë me erëra të forta dhe reshje të mëdha të shiut, ku si pasojë janë paralajmëruar përmbytje në gjithë Britaninë në veçanti në jug të Uellsit.

Në shumë pjesë të jugut të Uellsit kanë filluar rrëshqitjet e dheut ku në disa raste qytetarët kanë mbetur të ngujuar, e uji ka filluar të përmbyt shumë shtëpi, transmeton Telegrafi.

Në Angli ka hyrë në fuqi paralajmërimit i shkallës më të lartë dhe dy tjerë në Uells, që do të thotë se ekziston rreziku për jetën e qytetarëve.

Harfordshire në Angli, gjithashtu janë përmbytur shtëpitë, e një banor ka bërë të ditur stuhia ka goditur sikur të ishte tornado, shkruan BBC.

Autoritet ditë më parë kanë paralajmëruar qytetarët që të mbrohen nga “përmbytjet e rrezikshme për jetë” në Uells dhe Skoci. E mediat lokale raportojnë se liqeni Taf në qytetin uelsian Pontipol ka dalë nga shtrati, e në rrezik është edhe liqeni Nit në jug të Uellsit.

Si pasojë e erërave të fuqishme janë anuluar qindra fluturime, kurse përmbytjet kanë ndryshuar edhe trafikun hekurudhor. Sipas informatave më të reja të paktën dy persona kanë humbur jetën në Britani të Madhe, kurse dhjetëra mijëra tjerë janë përballur me kaosin e stuhisë Dennis.

Një 18-vjeçar ka humbur jetën në det në rajonin e Kentit, kurse një tjetër ka rënë nga anije në afërsi të portit Margate. Afro 50 mijë pasagjerë janë duke pritur në aeroporte, pasi që aviokompania Easy Jet ka anuluar 234 fluturime. /Telegrafi/