Studentja pa diplomë gati pesë muaj ka punuar si doktoreshë në Ndihmën e shpejtë (Video/Dokument)

Studentja në Fakultetin e Mjekësisë pa licencë dhe pa kaluar provimin shtetëror, gati pesë muaj ka punuar si mjeke në Ndihmën emergjente mjekësore, konfirmojnë burime për ‘NOVA’ nga Qendra Shëndetësore-Shkup, transmeton Telegrafi Maqedoni.

Nga të dhënat dhe dokumentet nga librat ku regjistrohet çdo thirrje, të marra nga NOVA mund të shihni se mjekja ende në studime të papërfunduara kryen praktikën mjekësore, shkon për thirrje dhe ju jep terapi pacientëve. Sipas të punësuarve në Ndihmën emergjente mjekësore ajo mba një ndrrim pune si kujdestare dhe është “doktoreshë” në Ndihmën e shpejtë e përbërë nga një infermiere dhe shoferi.

Nga dokumentet e siguruara nga NOVA, ju mund të shihni se studentja 24 vjeçare zotëron edhe një vulë pa numër, e cila është fituar në mënyrë të paligjshme për shkak se ajo ka këtë të drejtë vetëm pas marrjes së licencës.

Punonjësit nga Ndihma e shpejtë thonë se ajo vulën e fsheh prej tyre. Në kohën e punësëimit të saj, ajo ishte ende studente, dhe Certifikata e saj e fakultetit është në fazën përfundimtare, edhe pse doktoresha punon që nga shkurti. Nga Dekani i Fakultetit të Mjekësisë në Departamentin e Punëve të Studentëve, tha se do të nënshkruajë që dje certifikatën për mbarimin e fakultetit mjekësor. Por edhe me këtë Certifikatë ajo nuk lejohet të kryejë praktikën mjekësore për shkak se nuk e ka kaluar provimin shtetëror dhe nuk ka licencë.

Afati i fundit më i afërt për dhënien e provimit shtetëror është në nëntor, thonë mjekët për NOVA./Telegrafi/

Ja se si reagoi ajo kur u përgjigj në pyetjen tonë kur edhe pranoi se punon në Ndihmën e shpejtë pa licencë pune dhe pa kaluar provimin shtetëror. /Telegrafi/