Spasovski për arratisjen e Spasov: Ky sistem ndoshta është i korruptuar

Ministri i Brendshëm, Oliver Spasovski sot para gazetarëve tha se përgjegjësia për arratisjen e Igor Spasov, polici që vrau Martin Neshkovskin në sheshin e Shkupit, duhet të kërkohet në prokurori dhe gjyqësi dhe se sistemi mund të duket se është i korruptuar.

Sipas Spasovskit, kyçe duhet të jetë përgjigja e prokurorit dhe gjykatësit në bazë të të cilave vlerësuan lejimin e ndërprerjes me vendim gjyqësorë për vuajtjen e dënimit me burg, ndërsa ende po hetohet se ku dhe si u largua nga Maqedonia. Ai theksoi se është shumë më e rëndësishme të shihet dhe përfundimisht të zgjidhet problemi i mosfunksionimit të sistemit, pasi ndërprerje të tilla të vuajtjeve të dënimeve me burg paraqiten në Agjencinë e Ekzekutimit të Sanksioneve dhe Korrigjimeve, ndërsa, siç thotë ai, MPB nuk merr informacione të tilla.

2Të gjithë flasim se si do ta zgjidhim problemin tani pasi që ai u largua nga vendi. Çështja është thelbësore dhe përgjegjësia duhet të mbahet, ndërsa prokurori dhe gjyqtari duhet të përgjigjen në bazë të të cilave vlerësimet u lejua ndërprerja me vendim gjyqësorë vuajtja e dënimit me burg. Ne u informuam në momentin kur ata kërkuan që ta gjejmë atë. Ajo tregon sesi ky sistem është jofunksional, kështu që unë mund të them i korruptuar, sepse nuk e di se çfarë aspekti vlen vendimi dhe si atë si propozim që jepet personit të caktuar ti ndërpritet vuajtja e dënimit”, nënvizoi Spasovski.

Ai thotë se nuk mundet që një ditë t’i arrestojë MPB, të kryejë hetime, të kryejë procedura parahetimore, “ditën tjetër do t’i shohim në liri sepse një gjykatës ose prokuror ka vendosur në atë mënyrë”./Telegrafi/