Me hyrjen në fuqi të liberalizimit të vizave për shtetasit e Kosovës edhe Spanja ka dhënë qëndrimin e tyre se do ta pranojë pasaportën kosovare, dhe se qytetarët do të mund të udhëtojnë lirshëm dhe pa pengesa drejt këtij shteti.
Ministri i Punëve të Jashtme të Spanjës, Jose Manuel Albares, në një intervistë për mediat në Spanjë, rithekson se njohja e pasaportës nuk nënkupton edhe njohjen e pavarësisë, transmeton Telegrafi.
Ministri Albares thotë se me hyrjen në fuqi të liberalizimit të vizave për Kosovën edhe Spanja duhet të përshtatet me shtetet tjera, të cilat nuk e njohin pavarësinë e Kosovës.
“Edhe Spanja duhet të përshtatet ashtu si pjesa tjetër e shteteve që nuk e njohin. Prandaj, filluam të pranojmë pasaportat kosovare. Edhe një herë them se kjo nuk nënkupton njohje të Kosovës apo sovranitetit të saj. Ne jemi pesë shtete të Bashkimit Evropian që nuk e njohim Kosovën dhe të pestat i pranojmë pasaportat e tyre”, thotë ministri derisa pyetet për çështjen e Kosovës.
Gjatë intervistës, ai deklaroi se Spanja nuk do të jetë kurrë pengesë për dialogun ndërmjet Beogradit dhe Prishtinës duke shtuar se nuk do të jetë as pengesë për “ afrimin mes Prishtinës dhe Bashkimit Evropian”.
Më tej, ministri shton se nuk mund të bëjnë se nuk ekziston Kosova, pasi që është territor Brenda Ballkanit Perëndimor dhe po ashtu merr pjesë në samitet e organizuara nga Bashkimi Evropian.
“Nuk mund të pretendojmë se nuk ekziston. Por kjo nuk do të thotë se ne e njohim sovranitetin e saj”, thotë ndër tjera ministri për median spanjolle El Periodico De Espana.
Ministri Albares këto deklarata mbi Kosovën i bëri derisa hedhi poshtë pretendimet e partive opozitare në Spanjë se njohja e pasaportës është si një hap afrimi mes dy shteteve.
Spanja është në mesin e pesë shteteve të BE-së që nuk e njohin pavarësinë e Kosovës, e ku bëjnë pjesë edhe Greqia, Qiproja, Sllovakia dhe Rumania.
Megjithatë, të gjitha këto shtete njohin dokumentet e udhëtimit të lëshuara nga autoritetet shtetërore në Kosovë.
Ndryshe, njohjen e pasaportave të Kosovës nga shteti i Spanjës e kanë mirëpritur në Kosovë.
Liberalizimi i vizave për shtetasit e Kosovës ka hyrë në fuqi nga data 1 janar 2024./Telegrafi/
Promo
Reklamo këtuLufta Prigozhin - Putin
Më shumëFAZ: Ballkani po mbetet pa popullatë, po popullohet me emigrantë nga Azia
Certifikimi i snajperistëve, Gecaj: Lajm i mirë për Kosovën dhe FSK-në
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohet doracaku zyrtar për dhënien e provimit të patentës së shoferit
Profesori shqiptar nga Londra: Në Britani të Madhe i gjithë spektri politik është pro Kosovës
Polici goditet me veturë, e dyshuara largohet nga vendi i ngjarjes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe