Spalletti: Barcelona e meritoi barazimin, por ajo nuk ishte penallti

Luciano Spalletti ka pranuar se Barcelona e ka merituar barazimin ndaj Napolit në ndeshjen e parë të fazës së eliminimit direkt të Ligës së Evropës.

Mirëpo, trajneri i Napolit ka thënë se nuk ishte penallti momenti i prekjes së topit me dorë nga Juan Jesus.

Partenopei e nisën për mrekulli takimin në Camp Nou duke kaluar në epërsi me golin e Piotr Zielinski pas angazhimit të Eljif Elmas.

Edhe pse Blaugranët e dominuan lojën në gjysmën e dytë, nuk po arrinin të shënonin dhe e barazuan rezultatin vetëm nga penaltia, kur Jesus e preku me maja të gishtave një top të goditur nga Adama Traore në zonë.

Ferran Torres goal ⚽

Adama Traore wins a penalty off Juan Jesus and the Spaniard slots it home to equalize 💪🏾

Barcelona 1-1 Napoli #UELhttps://t.co/wtLjemik5u

— Birdie (@birdiefootball) February 17, 2022

“Me gjithë respektin, do të them se Barcelona e meritoi barazimin, por ajo penallti ishte jo-ekzistente. Nuk ndryshoi drejtimi. Nuk ia preku majat e gishtave, ia preku gishtin e vogël. Edhe krahu dukej të ishte në pozitë natyrale”.

Lexo po ashtu Nuk ka fitues në Camp Nou ndërmjet Barcelonës dhe Napolit

“Ose mbrojtësit duhet t’i mbajnë vazhdimisht duart pas shpine, gjë që jua kufizon lëvizjen gjatë vrapimit, ose nuk e di se çfarë duhet të bëjnë. Siç thashë, Barcelona e meritoi një gol të barazimit, por ajo nuk ishte penallti”, ka deklaruar Spalletti për Sky Sport Italia. /Telegrafi/