Sot raportojnë nga Fondi i Kursimeve Pensionale në Komisionin për Buxhet

Në Komisionin për Buxhet, Punë dhe Transfere që do të mblidhet sot do të jetë raportimi nga Fondi i Kursimeve Pensionale lidhur me zhvillimet e fundit në tregjet financiare dhe ndikimi i tyre në kursimet e qytetarëve.

Në rend ditë të kësaj mbledhjeje do të jetë edhe raportimi i Bankës Qendrore të Kosovës (BQK) rreth stabiliteti financiar në vend.

Mbledhja e Komisionit do të nisë në orën 10:00

Po ashtu pikë e rendit të ditës është edhe formimi i grupit punues lidhur me shqyrtimin e projektligjit për ndryshimin dhe plotësimin e ligjit për akcizën në produktet e duhanit.

Rendi i ditës:

Miratimi i rendit të ditës;

Miratimi i Procesverbalit të mbledhjes së mbajtur të Komisionit me 23 mars 2022;

Raportimi i Fondit të Kursimeve Pensionale lidhur me zhvillimet e fundit në tregjet financiare dhe ndikimi i tyre në kursimet e qytetarëve;

Raportimi i Bankës Qendrore rreth stabilitetit financiar në vend;

Formimi i grupit punuese lidhur me Shqyrtimin e Projektligjit nr.05/L-115 për ndryshimin dhe plotësimin e Ligjit nr. 04/L-021 për Akcizën në Produktet e Duhanit;

Formimi i grupit punuese lidhur me Shqyrtimin e Projektligjit nr.08/L-112 për ndryshimin dhe plotësimin e Ligjit nr.03/L-174 për Financimin e Subjekteve Politike, të ndryshuar dhe plotësuar me Ligjin nr. 04/L-058 dhe Ligjin nr.04/L-122 si dhe Ligjin nr.03/L-073 për zgjedhje të përgjithshme në Republikën në Republikën e Kosovës i ndryshuar dhe plotësuar me Ligjin nr.03/L-256;

Formimi i grupit punuese lidhur me mbikëqyrjen e zbatimit të Ligjit nr. 03/L-209 për Bankën Qendrore të Republikës së Kosovës;

Formimi i grupit punuese lidhur me mbikëqyrjen e zbatimit të Ligjit nr. 04/L-042 për Prokurim Publik në Republikën e Kosovës i ndryshuar dhe plotësuar;

Formimi i grupit punuese lidhur me mbikëqyrjen e zbatimit të Ligjit nr. 05/L-045 për Sigurimet;

Të ndryshme. /Telegrafi/