Sorin: Messi është një jashtëtokësor dhe meriton të fitojë një trofe me Argjentinën

Ish-reprezentuesi i Argjentinës, Juan Pablo Sorin e ka përshkruar Lionel Messin si “një jashtëtokësor” dhe shpreson se vendi i tij mund të shpërblejë paraqitjet e tij me një trofe para se të tërhiqet. 

Sorin luajti shkurtimisht me Messin në përbërjen e ekipit kombëtar para se të tërhiqej në vitin 2009.

Pasi e pa yllin e Barcelonës duke performuar nga afër dhe tani nga larg, Sorin pranoi se Messi nuk ka të ndaluar në të mirë të tij dhe theksoi se ai meriton disa trofe ndërkombëtar për të gjitha ato që ai ka bërë në përpjekjen për të rindërtuar ekipin e Argjentinës.

Lexo po ashtu Griezmann: Lojtar si Messi mund të mos shohim kurrë më, ose vetëm çdo 40 vjet

“Për fat të mirë kemi luajtur së bashku. Ai është një jashtëtokësor, nuk ka asnjë mënyrë [ta ndalojmë]”, ka thënë fillimisht Sorin për Ole.

“Ju e keni parë golin që ai bëri kundër Athletic Bilbao në finalen e Copa del Rey si një sulmues krahu i djathtë – një përbindësh! Unë kam krenari serioze që i kam ndarë herët e para të tij në ekipin kombëtar”.

“Messi e mori përsipër këtë rikonstruksion të kombëtares. Shpresoj që të kemi rezultat të mirë në një turne të madh me të”.

Lexo po ashtu Messi me rekord absolut, për herë të nëntë shënon mbi 50 gola brenda vitit

“Ndoshta e merituam atë shumë, por lufta e tij, duke lënë kaq shumë gjëra dhe kaluar shumë situata… e meriton më shumë”.

“Mendoj se jo vetëm argjentinasit e dëshirojnë atë, por tifozët e botës presin që ai të fitojë diçka të madhe me Argjentinën”, përfundoi argjentinasi. /Telegrafi/