Soni Malaj do të jetë nikoqire e “Miss Globe”

Para disa ditësh, u njoftua se këngëtarja Soni Malaj do të eksperimentojë në një fushë tjetër.

Ajo do të jetë prezantuesja e këtij edicioni në “Miss Globe”.

Në intervistën e saj për ‘Pasditja ime’, Soni rrëfeu se sfida e saj më e madhe në këtë garë është që do prezantojë vetëm.

https://www.instagram.com/p/Bo3xvQRgLHc/?taken-by=soni_malaj

Ndërsa për konceptin që ka për të bukurën, Soni tha “Për femrën është shumë e çuditshme se sa relative mund të jetë bukuria. Përgjithësisht kam vënë re që ka pasur femra shumë të bukura por nuk kanë pasur vetëbesim dhe sikur është rrëzuar ajo bukuri”.

“Kam parë femra të tjera që nuk mund të jenë më të bukurat, por qasja në publik me njerëzit, vetëbesimi, delikatesa dhe humori kanë të bëjnë në atë që do të thotë ‘e bukur’. Nuk është klishe ajo që ‘një personalitet i bukur e rrit më shumë bukurinë’. Tek kjo shkoj dhe unë, sidomos tek femrat vetëbesimi ka të bëjë shumë”, tha ajo.

https://www.instagram.com/p/Bov6uVcAv9M/?taken-by=soni_malaj

Ndër të tjera, Soni shtoi se do jetë sfidë e madhe për të që do të duhet të flasë në disa gjuhë që të kuptohet nga të gjitha vajzat.

“Normalisht që do vihen në testim gjuhët e mia të huaja. Truri im do të duhet të funksionojë në anglisht, frëngjisht, italisht, spanjisht dhe shqip atë ditë. Më pëlqejnë sfidat. Më pëlqen që të shkoj në ujëra të ndryshme artistike. Prezantimin e kam pasur gjithmonë dëshirë që të marr edhe profilin e një shougirl. Nuk them që nuk do jetë e vështirë, por e kam me pasion, nuk e kam detyrë”, tregoi Soni.