Socialistët e Malit të Zi nuk pajtohen me votimin kundër Kosovës në KiE, Nikoliq: Kush e ka rrëmbyer Ministrinë e Jashtme?

Milosh Nikoliq i Partisë Demokratike të Socialistëve (DPS) në Mal të Zi, ka reaguar pas qëndrimit të Partisë Popullore Demokratike (DNP) në të cilën u shpreh mbështetja e plotë për nënkryetaren e partisë, Maja Vukiçeviq, kryetare e delegacionit malazez në Asamblenë Parlamentare të Këshillit të Evropës, për të votuar kundër pranimit të Kosovës në Asamblenë Parlamentare të Këshillit të Evropës.

“Nëse dikush nuk ka rrëmbyer Ministrinë e Punëve të Jashtme (MVP) ose nëse nuk është kthyer në ndërhyrje të fabrikuara do të ishte e dobishme të dilte dhe të flasë. A i mbështet Qeveria këto pikëpamje të Knezheviqit? A ka Mali i Zi një politikë të jashtme unike?”, pyeti Nikoliq në platformën X, transmeton CDM.

Vukiçeviq, siç tha ai, rekomandohet për postin e nënkryetares pas rekonstruimit të Qeverisë.

“Knezheviq po dëshmon se ai dhe Mandiq janë ideologë të qeverisë së re. Një tjetër gjest që do të dëmtojë marrëdhëniet në rajon. Në skenë është politika e re nën stafetën e Frontit Demokratik (DF) pro-rus”, tha Nikoliq, transmeton Telegrafi.

Lexo po ashtu Partia pro serbe në Mal të Zi, mbështet shefen e delegacionit malazez të votojë kundër anëtarësimit të Kosovës në Këshillin e Evropës

DPS, e drejtuar deri vonë nga Milo Gjukanoviq, është një parti sovraniste, pro-Malit të Zi, e cila u rrëzua nga  në vitin 2020 pas tre dekadash në pushtet.

Që atëherë, blloku dominues i partive pro-serb, i udhëhequr nga Fronti Demokratik, ka qenë në pushtet. /Telegrafi/