Skarë pak më ndryshe: Koktej i shijshëm qebapësh në tigan apo në grill

Nëse dëshironi të provoni skarë pak më ndryshe, është koha që të përgatitni koktej qebapësh dhe me siguri do të jeni të kënaqur.

Përgatitja: Në një enë të thellë qitni mishin, shtoni qepën e grirë imët, vezë, thërrmija buke, sodë buke, kripë dhe piper. Ngjishni mirë që masa të bëhet e ngjitshme – kompakte. Pastaj përbërjen lëreni të qëndrojë 30 minuta. Specin pastrojeni nga farat dhe hiqni pjesën e bardhë, pastaj grijeni. Djathin priteni në shkoptha 5 – 6 cm të gjatë. Masën e mishit ndajeni në dy pjesë, transmeton Telegrafi.

Nga pjesa e bardhë mbaroni toptha të vegjël dhe tëholloni në shuplaka dore. Në mes vendosni specin e grirë të freskët, pastaj shkopthave të djathit jepuni formën e qebapit. Të njëjtën gjë bëjeni edhe me materialin tjetër të mbetur nga pjesa e parë.

Nga pjesa tjetër e mishit bëni të njëjtën gjë, etëm në mes vendosni pak spec të bluar, pastaj shkopthat e djathit dhe mbaroni qebapë, derisa ta shpenzoni gjithë materialin. Qebapët e përgatitur fërgoni në skarë apo në tigan-grill në vaj të nxehur.

Me rastin e fërgimit tundeni tiganin dhe qebapët tërë kohën rrotulloni dhe fërgoni derisa të marrin ngjyrën e gështenjtë të çelët. Me qebapë servirni qepën e përgatitur në grill. /Telegrafi/