Skandali “Weinstein” lë në hije evenimentet e të famshmëve (Foto/Video)

Elita hollivudiane mori pjesë në galanë vjetore, AmfAR, për të mbështetur kërkimet për AIDS-in, ndërkohë që temë kryesore këto ditë ka qenë skandali i abuzimeve seksuale që ka përfshirë producentin Harvey Weinstein.

Çështja eklipsoi mbrëmjen, e vetëm disa artistë guxuan të kalonin para gazetarëve, duke e lënë si rrallëherë të boshatisur tapetin e kuq.

Lexo po ashtu Weinsteini është akuzuar nga 32 aktore për abuzim seksual, disa prej rrëfimeve të tyre (Foto)

Aktorja Julia Roberts u nderua në gala për mbledhjen e fondeve, për përkushtimin afatgjatë kundër SIDA-s. Deri më tani Amfar ka grumbulluar 480 milionë dollarë me qëllimin për të zbuluar një kurë për sëmundjen vdekjeprurëse nga 2020-ta.

Aktorja e “Pretty Woman” tha se beson që mjekimi për këtë sëmundje është vetëm pak vite larg, transmeton Top Channel.

“Mendoj se sëmundjes po i vjen fundi. Por, pikërisht tani na duhet më shumë forcë për të mbërritur në fund”, ka deklaruar ajo.

Këngëtarja e muzikës pop, Fergie, e cila performoi me dy këngë të saj në gala, e pyetur për skandalin “Weinstein”, është shprehur se fenomeni i abuzimit me pushtetin duhet të marrë fund, ndërsa aktorja Michelle Rodriguez deklaroi se fakti që rasti kishte dalë në dritë, tregonte se Hollywoodi po shkonte në drejtimin e duhur.

Lexo po ashtu Oscar voton për përjashtimin e producentit, Harvey Weinstein

“Është diçka e bukur të shohësh gjithë këto gra të fuqishme që ngrihen në këmbë dhe thonë: Jo! Kjo nuk është mënyra e duhur”, ka thënë aktorja.

Skandali “Weinstein” ishte edhe në fokus edhe të evenimentit “Fuqia e gruas”, gjatë të cilit yje të kinemasë inkurajuan burrat të dënojnë sjelljet grabitqare në Hollywood.

 \