Menaxhmenti i Universitetit të Prishtinës, ka reaguar ndaj sjelljeve të profesorit të Fakultetit të Filologjisë, Bekim Bejta.
Profesori Bejta, ditë më parë përveç studentëve ndaj të cilëve ka përdorur gjuhë të ashpër, ai ka kërcënuar edhe Rektoratin dhe Këshillin e Etikës të UP-së.
Pas denoncimeve të shumëfishta kundër profesor Bejtës në Këshillin e Etikës për sjelljet e tij joakademike dhe vendimeve të këtij këshilli, menaxhmenti i UP-së shpreh shqetësimin dhe papajtueshmërinë për sjelljet e vazhdueshme dhe recidiviste të tij me studentët dhe kolegët në Fakultetin e Filologjisë.
“UP, distancohet nga një diskurs me përmbajtje të tillë si dhe nga çdo sjellje joakademike e profesorit në fjalë. Me këtë rast, menaxhmenti i UP-së, shpreh përkushtimin e palëkundur për të garantuar zbatueshmërinë e Kodit të Etikës në të gjithë mjedisin mësimor akademik”, thuhet në reagim.
Tutje theksohet se UP është duke e shqyrtuar me urgjencë rastin dhe do të ndërmarrë inicimin e masave adekuate që janë në dispozicion dhe në kompetencë brenda universitetit, pa paragjykim ndaj procedurave jashtë institucionit që mund të zhvillohen nga autoritetet kompetente.
“Sjellja akademike dhe profesionale, e secilit mësimdhënës, si dhe zbatimi i pakompromis i Kodit të Etikës dhe rregullave në fuqi, përbëjnë një prej shtyllave themelore në parimet e angazhimit në procesin e mësimdhënies dhe mësimnxënies”, thuhet tutje.
Aktualisht UP po punon për një zgjidhje të shpejtë të këtij rasti individual, që sipas tyre nuk është menaxhuar për vite të tëra.
“Ne do të adresojmë secilën kërkesë të studentëve të lidhur me këtë ose raste të tjera të mundshme me të gjithë kujdesin e duhur, përfshirë ofrimin e mundësisë për t’u pyetur në komision”.
“Mbi të gjitha, ne mbetemi të palëkundur në përkushtimin e thellë dhe përpjekjet tona më të sinqerta për zgjidhje inovative, lehtësi dhe mundësi më të mëdha për studentët tanë, aktual dhe të ardhshëm, përfshirë hapat e ndërmarrë tashmë për rritjen e shumës së bursave, të shumës së pagesës për praktikën, të krijimit të modulit për konsultimet online profesorë – studentë, ofrimit për herë të parë të bursave për studentët e studimeve të nivelit master dhe atij doktoral, për rritjen e mundësive të shkëmbimeve dhe të përvojave ndërkombëtare, si dhe të modernizimit të pajisjeve, laboratorëve dhe kushteve mësimore”, thuhet më tej në reagim.
“Universiteti i Prishtinës duhet dhe do të jetë institucion i dijes, dhe rrjedhimisht vend ku krahas formimit profesional e intelektual, punohet e mësohet në një mjedis ku respektohen rregullat dhe normat e Kodit të Etikës akademike dhe profesionale, morale dhe njerëzore. UP do të mbetet mjedis i sigurt i formimit akademik, shkencor e profesional për studentët, të cilët janë edhe arsyeja kryesore e ekzistimit të universitetit”, thuhet në fund./Telegrafi/
Promo
Reklamo këtuLufta Prigozhin - Putin
Më shumëBombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
LDK e AAK i bënë "bllok" Kurtit, çfarë thanë nga opozita për ftesën e kryeministrit për takim?
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
Diell dhe vranësira, pasdite rrebeshe shiu
Ushtria shqiptare po ringrihet, 1.8 mld euro për transformim
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron