Nuk ka shpëtim nga zëri në kokën tonë, pavarësisht nëse është memorizimi i informacionit ose krijimi i skenarëve imagjinare dhe ndikon në gjithçka që bëjmë.
Kjo është arsyeja pse Ethan Kross, një profesor i psikologjisë në Laboratorin e Emocionit dhe Vetëkontrollit në Universitetin e Miçiganit, thotë se bisedat më të rëndësishme që kemi janë ato të heshtura, me veten tonë. “Më pëlqen të mendoj për zërin e brendshëm si një thikë të ushtrisë zvicerane”, thotë Kross, i cili bashkoi vitet e hulumtimit për librin e tij të ri ‘Chatter: The Voice In Our Head And How To Harness It’.
“Nëse jeni duke përsëritur një numër telefoni në heshtje, duke planifikuar për të ardhmen, duke u përgatitur për një prezantim ose duke rishikuar përvojat e jetës, ju jeni duke përdorur zërin tuaj të brendshëm, edhe nëse nuk jeni në dijeni”.
“Por siç do ta kenë përjetuar shumë njerëz, ka momente kur ky mjet i vlefshëm mund të dalë jashtë rrjedhës. Në vend që të përdorim këtë kapacitet për të kuptuar problemet dhe për të ecur përpara, ne ngecim duke u shqetësuar dhe krijuar probleme imagjinare. Ne priremi të zmadhojmë problemin në fjalë”, transmeton Metro.
“Duke e përmbysur atë proces, ne mund ta rikthejmë zërin e brendshëm në rrugën e duhur dhe mund ta bëjmë atë duke përdorur mjete të ndryshme”, thotë Kross.
Tutje, Kross tregon tre teknika për luftimin e zërit të brendshëm negativ:
Ndryshoni mënyrën e të folurit me veten tuaj
Kjo përfshin teknikat që mund të përdorni vetë siç janë udhëtimet mendore, duke riformuluar përvojën si një sfidë sesa si një kërcënim dhe duke ndryshuar mënyrën se si flet me veten tënde. “Trainojeni veten përmes një problemi sikur po flisni me një mik”, thotë Kross. “Është më efektive nëse i referoheni vetes duke përdorur emrin tuaj. Unë e quaj atë bisedë të distancuar me vetveten”.
Zgjidhni të besuarit tuaj me mençuri
“Njerëzit e tjerë mund të jenë një pasuri ose problem i jashtëzakonshëm kur bëhet fjalë për këtë”, thotë Kross. “Varet nga kush dhe si flasim. Një person tjetër mund të jetë i dobishëm për të na ndihmuar të mendojmë për një panoramë më të madhe dhe zgjidhjet e mundshme, por kjo nuk ndodh gjithmonë”.
Pastrimi i hapësirës tuaj fizike ndihmon mendjen tuaj
“Pastrimi i mjedisit tonë na jep ndjesinë e rregullit që shpesh ndiejmë se na mungon kur mendja po na rrotullohet. Kjo ndjenjë e kontrollit mund të jetë vërtet e dobishme”. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe