LAJMI I FUNDIT:

Si në skenat e filmit “Rambo”, qindra policë gjermanë vihen në ndjekje të burrit me rroba ushtarake – ka me vete revole, shigjetë e hark

Si në skenat e filmit “Rambo”, qindra policë gjermanë vihen në ndjekje të burrit me rroba ushtarake – ka me vete revole, shigjetë e hark

Me skena që rikujtojnë filmin aksion “Rambo”, policia gjermane është vënë pas një burri të pastrehë i cili po fshihet në male, bartë me vete pajisje luftarake ndër tjera shigjetë me hark.

Afro 100 policë po patrullojnë nëpër male të asistuar nga forcat speciale me helikopterë dhe qentë për nuhatje, derisa operacioni për kërkim është duke hyrë në ditën e dytë, transmeton Telegrafi.

Policia në Openauu në jugperëndim të Gjermanisë, ka paralajmëruar banorët lokalë të qëndrojnë nëpër shtëpitë e tyre.

Ata kanë publikuar edhe fotografitë e 31-vjeçarit, i cili ka me vete shigjetë me hark, thikë dhe të paktën një revole. Ai është i njohur për autoritetet e rendit për shkelje të shumta, përfshirë armëmbajtje pa leje.

Autoritetet nuk e kanë zbuluar identitetin e të dyshuarit, por Bild e ka identifikuar si Yves Rausch, duke publikuar fotografinë e tij i veshur me rroba ushtarake.

Policia ka njoftuar se të dielën është informuar se “një burrë i dyshuar po sillet rreth një shtëpize të drurit në male”. Menjëherë në vend të ngjarjes kishin dalë katër zyrtarë policorë, të cilët kanë konfirmuar se i dyshuari fillimisht kishte bashkëpunuar.

Megjithatë kur iu afruan ata, i kërcënoi me armë zjarri, duke mos u lënë kohë të reagojnë. Madje i ka detyruar policët të dorëzojnë armët ku më pas është zhdukur pa gjurmë.

Siç raporton Bild, Rausch ka jetuar për tre vite në afërsi të vendit ku është takuar me policët, por së fundmi ishte dëbuar nga një shtëpi pasi nuk kishte paguar qiranë.

Ai kishte punuar në hekurudha dhe në një fushë golfi, ka bërë të ditur një ish-fqinj i tij, që e ka përshkruar si një “person jo të lehtë për komunikim”.

Armë zjarri dhe kova me benzinë janë gjetur në vendin ku kishte jetuar. Ai besohet se një kohë kishte jetuar në veturë, para se të futej në një shtëpitë të drurit në male.

Gjithashtu kishte qenë i burgosur për shkak të sulmit me hark e shigjetë mbi partneren. Në anën tjetër, zëdhënësi i policisë ka bërë të ditur se ky burrë ka probleme mendore dhe se në asnjë mënyrë askush nuk duhet t’i afrohet.

E armët që ia mori policisë janë revole gjysmë-automatike që mund të kenë nga 16 plumba, që do të thotë se mund t’i ketë 64 plumba tjerë në dispozicion. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Duke ecur në plazhin e Essexit, britanikja gjeti një dhëmb vigani 1.8 milion vjeç

Duke ecur në plazhin e Essexit, britanikja gjeti një dhëmb vigani 1.8 milion vjeç

Botë
Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Ajo ngeci në ashensor me njerëz krejtësisht të panjohur, priti ndihmë për katër orë: Historia mori një epilog të pazakontë në Los Angeles

Amerika
Rasti i pazakontë në Kroaci - pensionisti zbret nga një ndërtesë, por jo përmes shkallëve

Rasti i pazakontë në Kroaci - pensionisti zbret nga një ndërtesë, por jo përmes shkallëve

Kroacia
Kalo në kategori