LAJMI I FUNDIT:

Si është një ditë “normale” pune e njeriut më të pasur në botë!

Si është një ditë “normale” pune e njeriut më të pasur në botë!
Mandatory Credit: Photo by ALESSANDRO DI MARCO/EPA/REX/Shutterstock (8875108b) Jeff Bezos, Founder of Amazon, during the conference 'The Future of Newspapers' with the leading world players in the information industry, on the occasion of the 150 years of Italian newspaper 'La Stampa' in Turin, Italy, 21 June 2017. 'The Future of Newspapers' Conference, Torino, Italy - 21 Jun 2017

“Njihuni” me Jeff Bezos, i cili tregon rutinën e tij të përditshme: Ora e alarmit në agim dhe asnjë vendim pas orës 17:00.

Revista prestigjoze “Forbes” e rendit atë si ndër Drejtorët Ekzekutivë më të fuqishëm në botë për këtë vit. Renditja i referohet drejtuesve të kompanive të mëdha që renditen në listën e personave më të fuqishëm të botës, në krye të së cilës Forbes renditi për 2018-ën, presidentin kinez Shi Chin Ping.

Jeff Bezos, themeluesit i rrjetit më të madh të blerjeve online Amazon renditet i pari ndër rivalët e tij, si Bill Gates, Uorren Bafet, Mark Zuckerberg etj. Këtë vit, ai mori kryesimin e listës së njerëzve më të pasur të botës me mbi 132 miliardë dollarë pasuri.

Këtë vit ai ia doli edhe ta rendisë kompaninë e tij Amazon, të dytën për nga vlera pas gjigantit të teknologjisë së lartë Apple. Këtë vit, ai zgjeroi gamën e bizneseve të tij duke blerë disa rrjete të mëdha supermarketesh dhe librarish.

Rutina e përditshme

Jeff Bezos është një njeri i zakonshëm. Këtë gjë e ka zbuluar vetë ai, edhe pse është më i pasur në botë me një pasuri prej 150 miliardë dollarësh (128 miliardë euro). Gjatë një konference të mbajtur më 13 shtator në Klubin Ekonomik në Uashington, para një auditori prej 1,500 vetash, sipërmarrësi amerikan, i cili është gjithashtu pronar i Washington Post dhe themeluesi i kompanisë Blue Origin, ka treguar me detaje rutinën e tij të përditshme.

Mëngjes i mirë dhe në shtrat herët

Pronari i Amazonës ngrihet në agim dhe shkon në shtrat herët: “Unë zgjohem herët në mëngjes kështu që nuk bie në gjumë vonë”, u shpjegoi dëgjuesve. Bezos nuk është njeriu i vetëm që ngrihet herët në mëngjes mes administratorëve të shkëlqyeshëm të botës së teknologjisë. Të njëjtat zakone janë ndjekur për shembull nga Tim Cook, CEO i Apple. Bezos, megjithatë, deklaron se ai gjithmonë fle tetë orë në natë: “Kështu unë kam më shumë energji, – tha 54-vjeçari. – Dhe gjendja ime është më e mirë”.

Ai ha mëngjes me familjen e tij

Kur zgjohet, Bezos nuk fillon të punojë menjëherë, por gëzon orët e mëngjesit: “Më pëlqen të marr kohën time. Lexoj gazetën, pi një kafe dhe ha mëngjes me fëmijët e mi para se të shkojnë në shkollë”.

Mbledhja e parë

Dita e vërtetë e Bezosit fillon në orën 10 kur ka mbledhjen e parë. Sipas sipërmarrësit, koha më e mirë për të planifikuar takime të rëndësishme, të cilat kërkojnë disponueshmëri të madhe intelektuale, është pak para drekës.

Ndaloni vendimet e rëndësishme në pasdite

Sapo shkon ora 17:00, Jeff Bezos nuk merr më vendime të rëndësishme sepse mendja nuk është më në majë të shkëlqimit: “Sapo arrin kjo orë, i them vetes ‘Nuk mund të mendoj për këtë sot, le të provojmë përsëri nesër në orën 10:00’”.

Asnjëherë më shumë se tre vendime në ditë

Së fundi, Bezos kurrë nuk merr më shumë se tre vendime të rëndësishme në ditë: “Nëse marr tre vendime në ditë, është e mjaftueshme, – tha sipërmarrësi. – Dhe duhet të sigurohem që ata të jenë të cilësisë më të mirë të mundshme”.

/Telegrafi/

Në trend Stil

Më shumë
Rruga më e shkurtër në botë - është vetëm dy metra e gjatë dhe në të ndodhet edhe një hotel

Rruga më e shkurtër në botë - është vetëm dy metra e gjatë dhe në të ndodhet edhe një hotel

A e dini se...
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Të gjithë e kemi këtë produkt në shtëpi dhe bën mrekulli për bimët tuaja

Të gjithë e kemi këtë produkt në shtëpi dhe bën mrekulli për bimët tuaja

A e dini se...
A e dini pse qeset me çipsa nuk mbushen plot – ekziston një arsye e mirë për këtë

A e dini pse qeset me çipsa nuk mbushen plot – ekziston një arsye e mirë për këtë

A e dini se...
Pse duhet të vendosni një filxhan tek dera sa herë që jeni vetëm në banesë? Ja arsyeja

Pse duhet të vendosni një filxhan tek dera sa herë që jeni vetëm në banesë? Ja arsyeja

Stil
Kalo në kategori