Si duket kur një Bugatti Chiron garon me shpejtësi 400 km në orë në autostradë?

Bugatti Chiron është plot me teknologji moderne, por në të njëjtën kohë mbetet besnik ndaj zgjidhjeve konvencionale të sistemit të shtytjes.

Ai është një nga përfaqësuesit e fundit të gardës së vjetër, e cila dalëngadalë po ua lë vendin trashëgimtarëve elektrikë. Në zemër të këtij modeli të jashtëzakonshëm është motori me benzinë ​​me tetë litra, 16 cilindra, i cili prodhon 1500 kuaj fuqi dhe 1600 Nm. Ai është i lidhur me një transmision automatik që e transmeton këtë potencial të madh në të katër rrotat.

Sipas të dhënave të fabrikës, Bugatti Chiron në kushte optimale mund të arrijë 100 km/h në 2.5 sekonda dhe të zhvillojë një shpejtësi maksimale prej 420 km/h, kështu që mund të përputhet vetëm me disa modele konvencionale, si Koenigsegg Regera dhe Hennessey Venom GT.

Se për çfarë makine bëhet fjalë, tregon më së miri kjo video e realizuar në një autostradë në Gjermani, e cila tregon Chiron-in e fuqishëm duke përshpejtuar. Është e frikshme, sepse matësi e kap shpejtësinë maksimale 414 km/orë.

Ajo që është më e habitshme është se pas 300 km / orë, makina nuk humbet fuqinë ndërsa shigjeta e shpejtësisë vazhdon të lëvizë shpejt.

Edhe pse testi është kryer në një nga pjesët më të mira të autostradës me tre korsi, në një rrugë të gjatë (rreth 10 km), duhet theksuar se kjo shpejtësi në rrugët publike, edhe në kushte të trafikut të ulët, nuk është aspak e sigurt. /Telegrafi/