Në takimin e Procesit të Berlinit në Tiranë, shefja e diplomacisë gjermane Analena Baerbock i bëri thirrje Beogradit që të bashkëpunojë në hetimin e sulmit të armatosur ne veri të Kosovës. U fol edhe për zgjerimin e Bashkimit Evropian.
“Protokolli i Ministrisë së Jashtme të Shqipërisë u përpoq të linte të paktën pamjen e një takimi në harmoni të vendeve të Ballkanit Perëndimor, Gjermanisë dhe BE-së”, shkruan Süddeutsche Zeitung për takimin e Procesit të Berlinit të mbajtur të premten.
Duke cituar median gjermane, “N1” përcjell se në Tiranë ishte planifikuar një foto e përbashkët, dihej se ku duhet të qëndronin të gjithë. Në sfond ishin përgatitur flamuj. Në mediat e Beogradit është raportuar se ministri i Jashtëm serb, Ivica Daçiq, ka shmangur fotografimin me të tjerët pikërisht për shkak të flamurit të Kosovës në sfond.
Megjithatë Süddeutsche thekson se përfaqësuesi i Serbisë ka bërë fotografi në Berlin vitin e kaluar dhe lëvizjen aktuale të Daçiqit e vlerëson si “simbol të tensioneve në rajon”.
Gazeta gjermane përkujton se tensionet u përshkallëzuan kur një grup i armatosur serb pranë Banjskës “sulmoi patrullën e Policisë së Kosovës në një pritë”, në përleshjen e armatosur mbetën të vrarë një polic i Kosovës dhe tre sulmues [serbë]. Më pastaj SHBA, BE dhe Gjermania kërkuan që Beogradi të tërheq trupat e përforcuara ushtarake nga kufiri [me Kosovën], transmeton Telegrafi.
Shefja gjermane e diplomacisë, Analena Baerbock, tha në Tiranë se vetëm një rrugë e përbashkët çon në Bashkimin Evropian “duke respektuar integritetin territorial, vetëm nëse kuptohet se siguria është një rrugë me dy kahje”.
Gazetarja e Süddeutsce nga Tirana shkruan se Baerbock u përpoq t’ia shpjegonte këtë Daçiqit dhe ministres së Kosovës Donika Gërvala -Schëartz në biseda të ndara – “dhe tek pritet të shihet nëse ajo ka pasur sukses”.
“Delegacioni gjerman thotë se Baerbock pati një ‘bisedë intensive dhe të hapur’ me Daçiqin për mënyrat e uljes së tensioneve pas përshkallëzimit të fundit të dhunës, e cila në maj ishte drejtuar ndaj ushtarëve të KFOR-it, një mision i udhëhequr nga NATO. Baerbock kërkoi ‘bashkëpunim të plotë serb për ndriçimin e sulmit dhe sqaroi se qëndrimi i qartë i qeverisë serbe kundër dhunës dhe negociatat paqësore janë çelësi i procesit të anëtarësimit në BE”, raporton gazeta gjermane.
Gazeta vlerëson se për qeverinë gjermane ‘test lakmus’ është nëse presidenti serb Aleksandar Vuçiq është i gatshëm të veprojë kundër “udhëheqësit të sulmit ndaj policisë së Kosovës, Milan Radoiçiq”, me të cilin, sipas gazetës, Vuçiq marrëdhënie të afërta.
Süddeutsce shkruan se paralajmërimet e Analena Baerbock i drejtoheshin kryesisht Serbisë, por në një masë më të vogël edhe Kosovës. Ajo theksoi se pala kosovare duhet të bëjë progres në formimin e Asociacionit.
“Baerbock e ka vlerësuar pozitiv faktin që Serbia ka reduktuar numrin e trupave në kufi. Siç tha ajo, kjo tregon se bisedimet me Beogradin kanë kuptim”, shkruan gazeta.
Është paralajmëruar se Gjermania do të dërgojë edhe 155 ushtarë të tjerë në KFOR vitin e ardhshëm, por kjo, sipas zëdhënësit të Ministrisë së Mbrojtjes, nuk ka të bëjë me tensionet. Më herët thuhej se ishte planifikuar që këta ushtarë gjermanë të zëvendësonin kontigjentin austriak, transmeton Telegrafi.
E përjavshmja “Zeit” në portalin e saj thekson se Baerbock është angazhuar për pranimin e vendeve të Ballkanit Perëndimor në BE. “Të gjithë bashkërisht duhet të përvjelin mëngët për të pasur sukses në anëtarësimin në BE”, tha ajo në Tiranë.
BE-ja duhet të mbajë fjalën dhe të përmbushë premtimet e saj dhe vendet e Ballkanit Perëndimor të nisin reformat e nevojshme”, ka thënë shefja e diplomacisë gjermane .
Baerbock tha se duhet të ndalohet me logjikën “të gjitha ose asgjë” dhe mbështet logjikën e anëtarësimit gradual në BE, ku shtetet do të hyjnë fillimisht, për shembull, në hapësirën e përbashkët ekonomike evropiane. Ministrja gjermane shtoi se veçanërisht të rinjtë në rajon e kuptojnë se e ardhmja është në BE.
“Nëse Evropa nuk vjen tek ata, atëherë ata do të gjejnë rrugën e tyre për në Evropë – me pasoja fatale demografike për vendet e tyre”, tha Baerbock.
Takimi në Tiranë ishte një përgatitje për samitin e Procesit të Berlinit më 16 tetor në të njëjtin vend. Atëherë në Tiranë do të vijë kancelari gjerman Olaf Scholz./Telegrafi/
Promo
Reklamo këtuLufta Prigozhin - Putin
Më shumëAlarmi i Alicia Kearns për Ballkanin, politologët komentojnë deklaratën e deputetes britanike
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Hoxha: Peter Stano po e luan rolin e “kaubojit”
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit