Shteti nuk ka para për ndërtimin e ujësjellësit në Tetovë

Ndonëse nga PDSh kanë kërkuar para nga shteti për realizimin e këtij investimi shumë të rëndësishëm për qytetarët e Tetovës, zëvendësministri financave Gëzim Beadini e ka refuzuar këtë amendament, transmeton Telegrafi Maqedoni.

Kundër amendamentit të PDSh ka votuar edhe deputetja e OBRM-PDUKM nga Tetova, Svetlana Karapetrova. Ajo dhe koleget e saj jo vetëm që kanë votuar kundër por gjatë gjithë kohës kanë biseduar dhe as që i ua kanë varrë veshin kolegëve tyre shqiptarë. Kjo ka ngjall hidhërim te deputeti i PDSh, Orhan Ibrahimi i cili Karapetrovën dhe deputetët tjerë i ka përkujtuar se janë të ulur në ulëset e deputetëve për ti mbrojtur interesat e votuesve të tyre

Ibrahimi ka thënë se dënimi i njëjtë sikur gjenocid është që në shekullin 21 qytetarët të mos kenë ujë për pije. Deputetët e PDSh e kanë pyetur zëvendësministrin nëse nuk turpërohet që pesë ditë po i refuzon projektet që u propozuan për lehtësimin e jetës së shqiptarëve, gjegjësisht atyre të cilët e kanë votuar që ai të jetë në pushtet.

Ndryshe nuk u pranuan as amendamentet për hidro-sistemin Polog, ujë për komunën e Bogovinës dhe Treboshin si dhe rikonstruktimin e shkollave, çerdheve dhe rrugëve në disa vendbanime dhe komuna./Telegrafi/