Shteti holandez po kthen një grup prej 12 “nusesh xhihadiste” holandeze dhe fëmijët e tyre nga Siria Veriore, në mënyrë që ato të mund të gjykohen në Holandë.

Reklama

Sipas mediave të huaja, përcjell Telegrafi, grupi është tashmë në rrugën e tij për në Holandë, tha transmetuesi NOS, dhe gratë do të “arrestohen” pas mbërritjes.

Ndërsa sipas autoriteteve, fëmijët, gjithsej 28, do të merren nën kujdes.

Masa vjen pas një vendimi në maj të vitit të kaluar nga një gjykatë e Roterdamit që gratë dhe fëmijët e tyre duhet të kthehen dhe gratë duhet të përballen me gjyq.

“Kabineti dëshiron të sigurohet që dymbëdhjetë të dyshuarit të mos i shpëtojnë dënimit”, kanë thënë zyrtarët shtetërorë.

Reklama

Në qershor 2021, Ilham B ishte e para nga një grup grash holandeze që u kthyen nga kampet siriane.

Reklama

Ajo u dënua me 3.5 vjet burg për rolin e saj në promovimin e shtetit islamik.

Ndërkohë në shkurt u kthyen pesë gra të tjera dhe rastet e tyre janë duke u trajtuar.

Qeveria e këtij vendi nuk ka dhënë asnjë informacion për dymbëdhjetë gratë e mbetura për arsye sigurie dhe privatësie, as nuk ka thënë se për çfarë akuzohen ato. /Telegrafi/