Shtëpi me kënd prej betoni dhe çeliku: një mënyrë e re për ta shijuar hapësirën

Kjo vepër interesante e arkitekturës moderne ekuadoriane ofron zgjidhje interesante për shfrytëzim perfekt të hapësirës

Pllakat e betonit të përforcuar në qoshe përcaktojnë së pari nivelet e dyshemesë dhe muret e shtëpisë, në mënyrë që betoni të mbetet i ekspozuar në mënyrë të barabartë si brenda ashtu edhe jashtë, transmeton Telegrafi.

Shtëpia ndahet në dy pjesë, në shtëpi kryesore dhe në të ashtuquajturën pjesë e pavarur prej 20 metrash katrorë.

Në katin e parë të pjesës kryesore, ka një kuzhinë dhe një dhomë të madhe të ndenjës, por që ky kat mund të përdoret në çdo kohë për të shtuar një dhomë gjumi, duke lëvizur murin e lëvizshëm.

Kati i sipërm përmban një dhomë kryesore gjumi me një banjë dhe një tarracë të dyfishtë.

Arkitekti ka bërë një përpjekje që, krahas betonit dhe çelikut, në këtë projekt të implementojë edhe xhamin kështu që dritaret e mëdha në fasadat e përparme dhe të pasme theksojnë pamjen e vargmalit aty pranë dhe lejon qiramarrësit të ndiejnë një lidhje të ngushtë me natyrën.

/Telegrafi/