“Shqipëria e mrekullueshme, por keni kujdes dhitë”, incident në Vlorë – dhia përplaset me çiklistin gjatë garës

Çiklisti nga Zelanda e Re, Dion Smith, u frikësua shumë gjatë fazës së tretë të Giro d’Italia të këtij viti, pasi pothuajse u rrëzua nga biçikleta e tij kur o godit nga një dhi.

Incidenti i çuditshëm ndodhi gjatë fazës 160 kilometra, e cila nisi dhe përfundoi në qytetin shqiptar të Vlorës.

Smith, i cili garon për ekipin Intermarche–Wanty, tha se kishte parë një tufë të vogël dhish në anë të rrugës dhe kishte lëvizur për të shmangur çdo përplasje të mundshme.

Fatkeqësisht për të, një nga dhitë vendosi të vraponte drejt tij, pikërisht në shtegun e çiklistit, shkruan CNN, përcjell Telegrafi.

Ndoshta duke parashikuar përplasjen, pamjet treguan dhinë duke kërcyer në ajër dhe duke u përplasur me rrotën e pasme të biçikletës së Smith.

Për pasojë, garuesi doli nga shtegu, por arriti të qëndrojë në biçikletë dhe t’i bashkohej rrugës pak më vonë.

LA CAPRA VOLANTE 🐐🚴

Attraversamento inaspettato e per fortuna senza conseguenze di una capra durante il passaggio del gruppo 🙏🙏🙏#EurosportCICLISMO #Cycling #GirodItalia #Giro #Goat pic.twitter.com/AvoiEFvrB4

— Eurosport IT (@Eurosport_IT) May 11, 2025

Ndërkohë, dhia u shfaq e padëmtuar dhe u largua.

“Çfarë të them? Nuk e dija se në cilën rrugë do të shkoja, dhe të gjithë të tjerët shkuan majtas. Zgjodha djathtas, por në fund, ishte mirë”, tha Smith.

Ndryshe, nuk është hera e parë që një kafshë shkakton kaos gjatë Giro d’Italia.

Duke folur pas incidentit, Smith tha se ai kishte qenë i gatshëm për probleme me kafshë, por jo me një dhi.

“Shqipëria është e mrekullueshme. Dhe unë e kam shijuar. Ka qenë një përvojë ndryshe, vetëm keni kujdes dhitë.” /Telegrafi/