Prej më shumë se 4 javësh zjarret vazhdojnë të jenë aktive në mijëra hektarë sipërfaqe pyjore dhe kullota në Shqipëri. Ushtarë të shumtë të forcave të armatosura, të policisë, sistemit të mbrojtjes civile dhe shërbimit pyjor, të mbështetur edhe nga ajri, vazhdojnë pa ndërpre luftën për shuarjen e vatrave të zjarrit, të cilat gjatë kësaj jave janë përqendruar kryesisht në Veri të Shqipërisë, ku gjenden edhe sipërfaqet më të mëdha pyjore të Shqipërisë. Ministria e Mbrojtjes njoftoi sot se në këtë zonë janë aktive 9 vatra zjarri.
Në Kukës, Mirditë, Pukë, Fushë-Arrës. Malësi e Madhe dhe Shkodër situata vazhdon të jetë problematike, ndërsa vatrat e zjarrit djegin me qindra hektarë pyje dhe kullota. Sipas emergjencave civile, situata vazhdon të jetë e rënduar në Thirrë dhe Katund i Vjetër të Mirditës, në Majën e Rrunës në Kukës, në Qershizë e Fushë Kumulli të Pukës, në fshatin Flet dhe Srriqë të Fushë- Arrësit, por edhe në Vorfë të Malësisë së Madhe, ku zjarri i është drejtuar Malit të Maranajt.
Drejtuesi i Federatës së Pyjeve për Qarkun e Shkodrës, Sokol Guri, thotë se situata është e rëndë dhe se dëmtimi i sipërfaqeve pyjore është një problem edhe për brezat e ardhshëm. Njësitë e qeverisjes vendore, thotë ai, nuk kanë kapacitetet e duhura për administrimi dhe mbrojtjen e sipërfaqeve pyjore, ç’ka dëshmohet edhe nga situata e javëve të fundit në shumë prej bashkive të vendit.
“Kur ishin komuna, kishin pak fonde për mbrojtjen e pyjeve. Por, grumbullimi sot i të gjitha kompetencat pranë bashkive sikur i ka lënë në hije pyjet. Edhe shpopullimi i zonave, ku po bien zjarret, ka krijuar mungesë informacioni”, thotë ai.
Puka vazhdon të jetë një nga zonat më problematike gjatë ditëve të fundit për sa i përket rrezikshmërisë së vatrave të zjarrit në sipërfaqet pyjore, të cilat, në disa raste, i janë afruar edhe zonave të banuara.
Kryetari i bashkisë, Gjon Gjonaj, flet për një katastrofë mjedisore dhe për mosfunksionim të ligjeve për pyjet.
“Sot kemi disa miratime ligjesh për pyjet, po asnjë i zbatueshëm. Të gjitha të mbetura në sirtar. Sot ka ardhur koha për t’i thënë ndal kësaj katastrofe natyrore, e cila do të na sjellë shumë herë mbrapa”.
Përfaqësuesi i Federatës së Pyjeve, zoti Guri, thotë se pas vitit 1991, për një kohë të gjatë, pyjet u dëmtuan nga prerjet e jashtëligjshme, ndërsa vitet e fundit ato po dëmtohen nga zjarret thuajse të përvitshëm si dhe erozioni. Pyjet, shton ai, vazhdojnë të shikohen vetëm si burim të ardhurash për bashkitë.
“Shteti ka nxjerrë një ligj, që thotë se për x hektarë me pyll duhen kaq specialistë pyjesh. Por mungesa e specialistëve të pyjeve dhe politikat që ndjekin bashkitë kanë bërë që pyjet të shikohen si burim të ardhurash. Por pyjet duan përkujdes, mjedisi do përkujdes. Kjo ka të bëjë me ndërgjegjësimin e njerëzve. Në qoftë se një pakujdesi e një individi krijon një dëm aq të madh sa duhen 10 vite për ta rikuperu, atëherë njerëzit duhet të ndërgjegjësohen vetë”, thotë zoti Guri.
Shqipëria ka një moratorium që ndalon prerjet në sipërfaqet pyjore, por ajo nuk po arrin të ndalojë përhapjen e vatrave të zjarrit, të cilat, në më të shumtën e rasteve, janë ose nga pakujdesia, ose të qëllimshme, por që vazhdojnë të dëmtojnë rëndë këtë pasuri kombëtare./VOA
Lufta Prigozhin - Putin
Më shumëNjë i vrarë dhe një i plagosur me armë zjarri në Prishtinë
Aplikimi i Kosovës për anëtarësim në Këshill të Evropës, opinioni i Bakoyannis sot në rend dite
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
“Ftojeni Kosovën që të bëhet anëtare e Këshillit të Evropës”, Knaus publikon dy pika të opinionit të Dora Bakoyannis
Syla: Kemi bashkëpunim me shtetet e NATO-s për blerjen e armatimit
U raportuan tri gropa në "Ndreqe.com", Komuna e Prishtinës intervenon në rregullimin e tyre
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Përfito nga zbritja dhe apliko në trajnimin për Bazat e Menaxhimit të Burimeve Njerëzore
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes