Britney Spears ka konfirmuar se është mirë pasi fansat u shqetësuan për të meqë kishte fshirë Instagramin javën e kaluar.
Më 24 janar, këngëtarja 41-vjeçare, u trondit kur pa policinë në shtëpinë e saj, të cilët u telefonuan nga fansat pas disa postimeve që kishte bërë në rrjete sociale.
Kjo vjen pasi krijuesja e hitit “Toxic” ndryshoi emrin në Instagram duke u kthyer në ‘River Red’.
Foto: Screenshot/Instagram
Tani, ylli ka folur sërish në një seri të gjatë postimesh të shoqëruara nga një video përmbledhëse.
“Po, jam unë… jam gjallë dhe mirë”, ka shkruar ikona e muzikës pop.
“E mbylla Instagramin tim sepse kishte shumë njerëz që thoshin se dukesha si një idiote duke kërcyer dhe se dukesha e çmendur. Sinqerisht, po bëja më të mirën, por më shqetësoi të shihja njerëzit që flasin lirshëm për këtë, më kanë lënduar”, tha më tej ajo.
Artistja theksoi se është e ndjeshme dhe se për këtë më mirë do ishte të bënte një pushim nga rrjetet sociale.
Foto: Screenshot/Twitter
Ajo e përfundoi postimin me disa fjalë: “Jam gjallë, mirë, e shëndetshme dhe gati për të filluar një ditë të re – një mëngjes të ri! Për fansat e mi të vërtetë, Zoti ju bekoftë”.
Britney viteve të fundit shpesh ka bërë postime të çrregullta në rrjete sociale dhe është komentuar vazhdimisht nga fansat. /Telegrafi/
Foto: Screenshot/Twitter
