Shpresa të reja – vaksinat e para të personalizuara kundër kancerit pritet të jenë të disponueshme pas pesë vitesh
Një vaksinë e personalizuar kundër kancerit që ndalon rikthimin e sëmundjes, pritet të nisë përdorimin nga NHS (Shërbimi Kombëtar Shëndetësor në Angli) brenda pesë viteve, ka thënë një shef i shëndetësisë së atjeshme.
Ato do të përdoren për të trajtuar deri në 10.000 pacientë me disa lloje të ndryshme të kancerit, duke përfshirë melanomën e avancuar, kancerin e prostatës, kancerin në kokë dhe në qafë.
Vaksinat e stilit anti-COVID mund të bëhen për të synuar sekuencat ose mutacionet unike gjenetike të një kanceri të caktuar.
Kjo mund ta ndihmojë organizmin t’i shkatërrojë në mënyrë selektive qelizat e kancerit duke kursyer qelizat e shëndetshme, duke rezultuar potencialisht në më pak efekte anësore në krahasim me kimioterapinë.
Drejtori kombëtar i NHS për kancerin, profesor Peter Johnson, ka thënë se vaksina është një nga “transformimet më të mëdha” në trajtimin e sëmundjes në dekadën e fundit.
Testimet klinike kanë për qëllim të ndihmojnë në trajtimin e pacientëve nëpërmjet përdorimit të vaksinave të personalizuara të kancerit mRNA dhe imunoterapive.
Teknologjia është e ngjashme me atë të përdorur në vaksinën e Pfizer/BioNTech kundër coronavirusit – transmeton The Sun.
Një platformë e re e nisjes së vaksinës kundër kancerit (CVLP) do të krijojë një bazë të dhënash për të ndihmuar në identifikimin e shpejtë të pacientëve me kancer që mund të kualifikohen për prova të mundshme.
“Rikthimi i kancerit pas operacionit mbetet një problem i madh edhe pse ne diagnostikojmë më shumë kancere herët, kështu që do të shohim më shumë njerëz që kryejnë operacione për ta hequr tumorin primar, por që mbeten në rrezik të përsëritjes”
“Dhe mundësia për ta përdorur vaksinimin për të zvogëluar rrezikun e përsëritjes në atë grup njerëzish është shumë tërheqëse”, ka thënë prof. Peter për The Times Health Commission.
Megjithatë, përdorimi i vaksinave për ta përmirësuar aftësinë e organizmit për të dalluar dhe shkatërruar tumoret duke parandaluar kancerin te pacientët e shëndetshëm është “ende spekulative” – ka shpjeguar.
Profesori tha se do të ishte më e dobishme nëse do të ishim në gjendje t’i kapnim kanceret herët përpara se të përparonin.
Shkencëtarët aktualisht po provojnë një test gjaku për kancerin, të quajtur testi Grail, i cili nëse është i suksesshëm do të zbulojë format e hershme të sëmundjes. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur