Çdo vit, liderë nga e gjithë bota mblidhen në Davos, qytetin zviceran të mbuluar nga bora, për të prezantuar mendimet e tyre mbi gjendjen aktuale të çështjeve botërore.
Por World Economic Forum (WEF) u ka dhënë mundësinë personaliteteve të shquara të përcjellin disa prej leksioneve që kanë mësuar gjatë jetës dhe karrierës së tyre.
CNBC ka bërë një përzgjedhje të dhjetë shprehjeve frymëzuese Forumi Ekonomik Botëror në vitet e mëparshme.
Sillni ndryshimin
“Shpesh, ne mendojmë se duhet të bëhemi kryeministër, president apo CEO i një kompanie për të sjellë ndryshimin – jo, nuk është kështu. Ju mund ta sillni ndryshimin në çdo moment, në çfarëdo moshe.
Ndryshimi është i mundur, mos e kufizoni veten, mos e ndalni veten, pikërisht sepse jeni i ri”.
-Malala Yousafzai, Fituese e çmimit Nobel për paqen gjatë një diskutimi mbi përvojën e saj në jetë në vitin 2018, shkruan ‘monitor’.
Fuqia e diversitetit
“Diversiteti nuk është thjesht një politikë e shëndetshme sociale. Diversiteti është motori i inovacionit, ai gjeneron kreativitetin që pasuron botën.
Ne mund ta përqafojmë diversitetin dhe idetë e reja që lindin prej tij, duke promovuar në të njëjtën kohë identitetin dhe vlerat në komunitete të sigurta dhe të qëndrueshme”.
-Justin Trudeau, kryeministër i Kanadasë në fjalimin e mbajtur në vitin 2016, “The Canadian Opportunity”, përcjell albinfo.ch.
Mos e bëni të njëjtin gabim dy herë
“Ju mund të bëni shumë gabime përgjatë rrugës, nuk ka asgjë të keqe. Është e natyrshme të bëni gabime, për sa kohë mësoni prej tyre. (Im atë dhe CEO) Vince ka një shprehje: “Është normale të bëni gabime, por mos bëni të njëjtin gabim dy herë”.
-Stephanie McMahon.
Vijoni të zbuloni gjëra të reja
“Udhëtoni nëpër botë, zbuloni botën, pasi në këtë botë të së ardhmes, do të kemi nevojë për njerëz të ndryshëm, që flasin gjuhë të ndryshme, me njohuri të ndryshme.
Mënyra më e mirë për të mësuar një gjuhë tjetër është ta jetoni atë në një vend tjetër, por të mësoni edhe gjithçka rreth kulturave të tjera. Në këtë botë globale do të jetë gjithnjë e më e rëndësishme ndjeshmëria ndaj kulturave të tjera”. “Jini të përgatitur të mësoni gjatë gjithë jetës suaj. Dijet janë të arritshme kudo, në çdo vend, kohë, por edhe në çdo moshë”.
-Alain Dehaze, drejtuese ekzekutive e Adecco, duke folur në një panel për të ardhmen e arsimit në vitin 2016.
Veproni
“Mendoj se nëse heshtni kur shikoni një mizori, atëherë ju jeni duke i bërë një padrejtësi më të madhe asaj mizorie”
-Sharmeen Obaid-Chinoy, regjisore fituese e çmimeve Oskar dhe Emmy, në 2017, teksa diskuton se si puna e saj është një mjet për të nisur biseda të vështira.
Zhvillimi personal
“Dështimi është në njëfarë mënyre një dhuratë për të gjithë ne, pasi nëse nuk do të kishim dështuar, ne do të mbeteshim vetvetja për të gjithë pjesën tjetër të jetës. Ne nuk do të përmirësoheshim. Nuk do të sforcoheshim që të përmirësoheshim, për të shmangur vuajtjen në të ardhmen.
Duhet të kuptojmë që kohërat e vështira, humbjet, dështimet, gabimet, nuk janë gjithmonë gjëra negative. Në të vërtetë, mund t’ju ndihmojnë që t’ia nisni nga e para, të zhvilloheni dhe të përmirësoheni”.
-Nico Rosberg, pilot i F1 gjatë një diskutimi në vitin 2017.
Shfaqni ndjeshmëri
“Drejtoni me ndjeshmëri: është një cilësi që ne e nënvlerësojmë si shoqëri, por shpesh një ndër sfidat më të mëdha gjatë krizave apo konflikteve është që ne rrallë e kuptojmë apo e vëmë veten në vendin e tjetrit. Sot, ritmet e jetës janë kaq të shpejta, saqë ne nuk ndalemi asnjëherë dhe të bëjmë një hap pas dhe të shohim se si ndikojnë veprimet tona tek ata që kanë më pak privilegje apo pushtet se ne. Do t’u lutesha liderëve në botë që të qeverisnin me ndjeshmëri”.
– Sinead Burke, akademik, shkrimtar, mbështetës i njerëzve me aftësi të kufizuara, gjatë një bisede për promovimin e inclusivitetit në 2018
Bashkëpunoni për të mirën
“Sikur të bashkoheshim për të mbledhur dijet tona, energjinë tonë, zemrat tona, shpirtin tonë, pasuritë tona. Duke bashkuar forcat me heronj të zakonshëm në planet, për një qëllim të vetëm, për të sjellë dritë dhe paqe – në çdo cep të botës. Besoj se kjo është e mundur. E di që kjo është e mundur”.
-Forest Whitaker, aktor dhe i dërguari i posaçëm i UNESCO-s për paqe dhe pajtim, gjatë një diskutimi për punën humanitare në “23rdAnnual Crystal Awards” në Davos
Vendosni kufij
Mos e mbushni kurrë telefonin tuaj pranë krevatit. Duhet të ketë një kufi të qartë mes jetës suaj gjatë ditës dhe natës – kur ju shkëputeni nga bota për të marrë energjitë e nevojshme. Për këtë gjë duhet vullnet – duhet ta themi, të gjithë ne jemi të varur nga telefonat, jemi të gjithë të varur nga të qenët “gjithnjë online”.
– Arianna Huffington, themeluese e Thrive Global, gjatë një diskutimi për shëndetin dhe mirëqenien në 2017 (thënë për CNBC)
Përkufizoni leadership
“Lidershipi i vërtetë përbëhet nga katër elemente: truri, shpirti, zemra dhe vullneti”
Klaus Schwab, drejtor ekzekutiv i World Economic Forum, në fjalimin mikpritës në Davos 2015./Telegrafi/
Promo
Reklamo këtuLufta Prigozhin - Putin
Më shumëNga 26 Qershori, PrishtinaTicket shton dhe një destinacion të ri!
Shijo detin e krejt stinëve në “Holiday In 2”
Nga pushimet e punëtorëve e deri tek menaxhimi i inventarit - përmes AveHR mund t’i digjitalizoni Burimet Njerëzore
Nagip Krasniqi shkarkohet nga pozita e kryeshefit të KEK-ut
Saktësi, efikasitet dhe rehati - Ultratingulli revolucionar SonoMax 9
Aliu: Po planifikojmë tren të shpejtë në linjën Prishtinë-Fushë Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert