Kryetari i Kievit, Vitali Klitschko, ka raportuar herët në mëngjes për shpërthime të shumta në kryeqytetin e Ukrainës, hera e parë e këtij lloji pas disa javësh që nga shpërthimi i fundit në këtë qytet.
Në një postim në Telegram, Klitschko ka shkruar se ka pasur shpërthime në lagjen qendrore të kryeqytetit, ku ndodhen shumë agjenci dhe ndërtesa qeveritare.
Dy ndërtesa administrative janë goditur, thonë autoritetet, por ende nuk dihet nëse ka viktima, transmeton Telegrafi.
Sistemet e mbrojtjes ajrore të Kievit rrëzuan 10 dronë rusë , tha kryetari i këtij qyteti, pasi SHBA është afër finalizimit të planeve për të dërguar sistemin e saj të mbrojtjes ajrore Patriot në Ukrainë, një veprim potencialisht kyç në konflikt.
Klitschko tha se sistemet e mbrojtjes ajrore rrëzuan 10 dronë Shahed të prodhuar nga Irani, dhe se kishte shpërthime në qarkun e Shevchenkovskit.
Administrata e Kievit njoftoi se, sipas informacioneve paraprake, dy ndërtesa administrative në Shevchenkovsky u dëmtuan, dhe se informacioni për viktimat e mundshme po analizohet. /Telegrafi/
