Shoku i ngushtë i Allegrit: Mos e përjashtoni rikthimin e tij te Juventusi

Giovanni Galeone është një nga miqtë më të mirë të Max Allegri, ndërsa është i sigurt se ai do të kthehet në punë në qershor, duke mos e përjashtuar Juventusin.   

Calciomercato.it shkruan se trajneri i ka thënë Romës së është i disponueshëm për sezonin e ardhshëm, ndërsa presidenti i Juventusit, Andrea Agnelli nuk e ka mohuar një takim me Allegri.

La Gazzetta dello Sport për të ardhmen e Allegrit e ka pyetur shokun e tij të ngushtë, Galeonen.

“Unë fola me të dy ditë më parë dhe ai është i sigurt se do të kthehet në punë në qershor, kështu që kjo do të thotë se ai ka diçka në duar”.

“Unë nuk e pyes atë më shumë dhe nuk dua të më tregojë, por mund të konfirmoj se ai dukej shumë i sigurt”, deklaroi Galeone

A mund të ketë një kthim te Juventusi pas takimit me Agnellit dhe vështirësive të trajnerit aktual Andrea Pirlo?

“Ai shkon shumë mirë me Agnellin dhe ata folën disa herë edhe vitin e kaluar. Ata nuk e kanë braktisur plotësisht njëri-tjetrin”.

“Unë nuk e di nëse kthimi i tij në Juve është i mundur ose në çfarë kushtesh, por unë nuk do ta përjashtojë”, deklaroi ai. /Telegrafi/