Shkurta Haxhiu: Në Rugovë, aktivitet dyditor me moton “Të gjithë jemi të barabartë”, dedikuar personave me aftësi të kufizuara

Në këtë aktivitet te Villat “Guri i Kuq,” ishin 27 pjesëmarrës nga vende të ndryshme të Kosovës

Kolonia Artistike, edicioni i 8-të, nën drejtimin e Shkurta Haxhiu theks të veçantë kishte përfshirjen dhe barazinë.

Ky aktivitet u realizua falë kontribut të veçantë të futbollisti i mirënjohur Valon Berisha, i cili jeton dhe vepron në Linz, Austri. Ai mbështeti këtë iniciativë përmes Fondacioni ”Heroina e Mirësisë” duke treguar përkushtim për fuqizimin dhe mirëqenien e personave me aftësi të kufizuara.

Fondacioni ”Heroina e Mirësisë” shpreh mirënjohjen më të thellë për futbollistin e mirënjohur, Valon Berishën, i cili me përkushtim dhe zemër të madhe kontribuoi në aktivitetin “Art Koloni”, të mbajtur në Rugovë për personat me aftësi të kufizuara.

Kontributi i tij i çmuar në këtë iniciativë humanitare dëshmon jo vetëm për talentin e jashtëzakonshëm në sport, por edhe për shpirtin e madh e të ndjeshëm që ndihmon ata që kanë më shumë nevojë.

“Puna dhe përkushtimi yt, jo vetëm si një sportist i shkëlqyer që përfaqëson komunitetin tonë në Austri, por edhe si një shembull frymëzimi për solidaritet dhe humanizëm, janë vlera që të gjithë duhet t’i ndjekim.

Të falënderojmë me zemër për mbështetjen dhe angazhimin tënd në këtë aktivitet. Je një hero i vërtetë i mirësisë dhe një motivim për ne të gjithë!”, thuhet në falënderimin e Fondacionit “Heroina e Mirësisë”.

/Telegrafi/